Jenexi 47:23 - Ritonõpo Omiry: A Bíblia Sagrada na língua Aparai do Brasil

²³ Mame ynara tykase Joze ahno a: — Seromaroro tuisa poetoryme matose, otupikõ roropa inonoryme toehse, topekahse ya exiryke ikyryryme. Ipuhturu apoitoko arykatohme tupito tõ po.

Jenexi 47:23 ပူးပေါင်းရင်းမြစ်များ

Jenexi 41:27

Mokaro pui tõ tupune pyra, xihpyryme exiketõ tokuõse nakuae mokaro 7mãkõ kurãkõ mykapo te, moro oxinase roropa isapakamyhpyry 7mãkomo 7me jeimamyry enetupuhtoh moro, tonahsã pyra exĩko mana.

Jenexi 45:6

Asakoro jeimamyry pune toehse, tonahsẽ ahtara sero nono po. Ãko ro mana 5me jeimamyry pune tonahsẽ ahtara ehtopo.

Jenexi 47:22

Ritonõpo a oturuketõ tupi anapoipyra Joze kynexine. Tutupikõ onekaropyra toh kynexine, tonahsẽ ekaroryke tuisa a toto napyryme.

Jenexi 47:24

Morarame apoitoh toehse ahtao, 5me ahtao toiro ekarotoko tuisa a. 4me okyryryme exĩko ipuhturu arykatohme ropa te, anapyrykõme, enara.

Saumu 112:5

Tãkye mã mokyro imehnõ pyno exikety, tytineru ke toto akorehmãko mana aekurãkatohkõme ropa, zae osepekahnõko zae ekamõko roropa mana!

Saumu 41:1

Tãkye mã mokaro tymõkomokãkara pyno exiketomo. Mokaro akorehmãko Ritonõpo mana popyra ehtoh toehse ahtao eya xine.

Porowepio 11:26

Mõkomo ekamone omomỹke ahtao, tỹkyryry kurãkaryhtao eya tytapyĩ tao typynehxo ehtoh eraximatohme, popyra ehtoh enehpõko imehnõ mana mokyro pona; yrome ahno zamaro mokyro tykyrysã nae ahtao ekamõko mana.

Porowepio 12:11

Otupi poko toerohse awahtao tynahke mase, pitiko rokẽ pyra, yrome tyorõ poko rokẽ osenetuputyryhtao ekurehnõko mase, tuaro pyra exikety sã mase.

Porowepio 13:23

Tykyrysã itamurume exĩko tymõkomokãkara tupi po repe, yrome ajohpe exiketõ pokoino atahnikãko rokẽ mana.

Ekereziaxti 11:6

Ipuhturu arykako pakeimo, kokonie pukuro roropa, zuaro pyra oexiryke; emero rokẽ kure ahtary poko, toitoine kurehxo ahtary poko, enara.

Izaja 55:10

Konopo sã jomiry mana axitaku sã roropa. Oehnõko mã kehko kaino kapu poe sero nono ehxikatohme, otyro tõkehko ahtanohpõko mã kehko, aekutatohme, ipuhturu exitohme arykatohme tonahsẽ ekarotohme roropa ahno a.

Mateu 24:45

— Naeroro Ritonõpo poetoryme nymyry matou? Tuaro exiketyme matou? Etatoko pahne, tuisa konõto kynexine typoetoke exikety. Morarame imepỹ pona toytory se toexiryke typoetory toiro tyrise eya imehnõ eraseme. “Ypoetory otuhmanohponeme mase jesahpyo,” tykase ynororo eya.

2 Korĩtiu 9:10

Otyro puhturu ekarõko Ritonõpo kyya xine mana arykatohme. Mame tarykase ahtao otyro ahtanohpõko mana eperytatohme kynapyrykõme. Morararo itamurumehxo ekarõko Ritonõpo oya xine mana. Omõkomorykõ emãnõko mana imehnõ pyno awahtao xine, pitiko rokẽ pyra omõkomorykõ ekaroryhtao oya xine etuarimaketomo a.