Jenexi 45:3 - Ritonõpo Omiry: A Bíblia Sagrada na língua Aparai do Brasil

³ Mame ynara tykase Joze turui tomo a: — Ywy ase Joze, ãkorõkomo. Papa isene ro hnae? Morara kary etaryke tyya xine tõserehse toto yronymyryme. Onezuhsaromepyra toehse toto.

Jenexi 45:3 ပူးပေါင်းရင်းမြစ်များ

Jenexi 37:20

Ehmaropa, setapatone seromaroro. Imeĩpo ekepyry sẽmatone oramãka. “Tosekase onokyro a,” ãko sytatose. Morarame aosenehtopõpyry enatyry enẽko sytatose.

Jenexi 42:21

Oseya rokẽ ynara tykase toto: — Ajohpe pyra. Etuarimãko sytatose seromaroro, kynyrihpyrykõ poko kuakorõkõ poko. Aetuarimary tonese kyya xine, taosanumase kyya xine, aomiry onetapỹ sã toehse kymarokomo. Morara exiryke etuarimãko sytatose seromaroro.

Jenexi 42:22

Ynara tykase Rupẽ: — Kuurutone: “Aimo onyryhmara ehtoko,” ake oya xine repe. Yrome jomiry onetapỹ sã mexiatose. Morara exiryke seromaroro aorihtopõpyry epehmãko sytatose.

Jenexi 43:27

Tõturupose ynororo toto ehtoh poko. Mame ynara tykase: — Otãto pãna omykõ nae, tamuxi? Kuruatose ipoko. Isene ro hna?

Jo 23:15

Morara exiryke orẽnõko ase ẽpataka. Moro poko osenetuputyryhtao enaromỹke exĩko ase.

Jo 4:5

Yrome seromaroro oetuarimatoh toehse mana, oty katoh penekehnõko mah? Oty katoh torẽse mahno?

Zakaria 12:10

— Mame moro ẽmepyry ae Juzenu ekarõko ase Tawi pakomotyamo a imehnõ Jerusarẽ põkomo a roropa, kure ehtoh poko toto ehtohme, oturutohme roropa ymaro. Mame jenẽko mã toto tynuohpyrykomo. Xitãko mã toto yhnamõko, ahno samo tumũkuru toirõ hnamory samo, tumũkuru apitoryme aenuruhpyry orihtoh hnamory samo.

Maku 6:50

Eya xine Jezu tonese. Tõserehse toto emero. Yrome eya xine ynara tykase Jezu: — Juno pyra ehtoko. Ywy ase. Enaromyra ehtoko, tykase eya xine ynororo.

Ruka 5:8

Yrome moro eneryke Ximão Peturu a tosekumuru po typorohse ynororo Jezu ẽpataka imehxo Jezu enetuputyryke tyya. Ynara tykase ynororo Jezu a: — Tuisa, amekehme sã exiko ywinoino. Popyra ase, iirypyryme, tykase ynororo.

Atos 7:13

Morarame toytozomose toto ahtao Joze tõsenepose turui tomo a. Tyekyry tõ tonepose Parao a eya.

Atos 9:5

— Onoky hma? tykase Sauru tõserehse toexiryke. — Ywy ase, Jezu. Oty katoh yyryhmãko mah, ypoetory tõ ryhmãko?

Apokaripxi 1:7

Enetoko ke! Oehnõko ropa mana akuru htoko. Emero mã mokyro enẽko, tuohpõkõ roropa. Mame sero nono põkõ emero xitãko mã toto mokyro eneryke tyya xine. Morara ahtao ro, osehko ropa Jezu, enara.