Jenexi 45:16 - Ritonõpo Omiry: A Bíblia Sagrada na língua Aparai do Brasil

¹⁶ Mame Ejitu tuisary turuse imehnomo a itapyĩ konõto tao: “Joze rui tõ tooehse,” tykase toto. Tuisa zamaro toehse, imarõkõ maro, morara kary etaryke tyya.

Jenexi 45:16 ပူးပေါင်းရင်းမြစ်များ

Jenexi 16:6

— Kure, tykase Aparã. — Opoetoryme Akara mana, ituisaryme mase. Tyriry se oehtoh tyriko ipoko. Morara exiryke yronymyryme typoetory tyrohmanohpose Sarai a, ajoajohpã samo. Naeroro tosẽ tapyĩ tae toepase ynororo.

Jenexi 20:15

Ynara tykase ynororo eya: — Eneko ke, Aparão, sero ynonoryme mana emero. Ise oehtoh imenekako oesaryme.

Jenexi 34:18

Morara kary etaryke tyya xine, ỹme toehse Hamoa, imũkuru Xikẽ maro.

Jenexi 41:33

Tõturuse ro Joze: — Morara exiryke kure orutua menekary oya, tuisa, ãkorehmaneme tuaro exikety.

Jenexi 41:37

Tuisa zamaro Joze omiry kynexine ipoetory tõ maro.

Jenexi 45:15

Mame ixitaryhtao ro turui tõ toahmase Joze a, typohse roropa toto eya atakenaka. Moromeĩpo tõturupitose toto imaro.

Jenexi 45:17

Joze a ynara tykase ynororo: — Kaxiko orui tomo a: “Tonahsẽ tyritoko oeky tõ pona, arotohme Kanaã pona.

2 Samueu 3:36

Moro etaryke tyya xine tãkye toh toehse. Emero Tawi nyrihpyry poko tãkye toh nexiase.

2 Koronika 30:4

Tãkye tuisa nexiase takorehmananõ maro tõsenetupuhtohkõ poko.

Exite 1:21

Mokyro Memukã omiry tuisa tõ zamaro nexiase akorehmananõ maro. Morara tyrise ynororo Memukã omihpyry ae ro.

Exite 2:4

Mame oryximehxo exikety menekãko mase opytyme ehtohme Waxti myakãme. Morara kary kure nexiase tuisa a, morara tyrise eya rahkene.

Exite 5:14

Mame ynara tykase ipyty, epe tõ roropa, imaro exiketomo: — Wewe risẽ tyripoko xikihme exikety, 20 meturume exikety. Kokoro pakeimo ekaropoko tuisa a Moatekai anỹpotohme ipymyry ae tyhwyme moro wewe pokona. Moromeĩpo ytoko tãkye tuisa maro otuhtoh kurã pona. Morara kary kure nexiase Hamã a, wewe risẽ tyripose eya rahkene.

Atos 6:5

Morara kary etaryke tyya xine tãtãkyemase toto. Ynara tyrise toto a Jezu poetory tõ akorehmananõme, Exitewão. Ritonõpo Zuzenu imaro kynexine. Aomipona yronymyryme exikety ynororo. Ynororo, Piripe, Pyrokoro, Nikanoa, Timõ, Parymena, Nikorau, enara. Nikorau juteume aeramahpyry kynexine, Ãtiokia põme exikety roropa.

Atos 7:13

Morarame toytozomose toto ahtao Joze tõsenepose turui tomo a. Tyekyry tõ tonepose Parao a eya.

Teuteronomiu 1:33

Kokoro rokẽ toytose ynororo osemazuhme, apoto xikihme exiketyme koko ahtao, akurũ xikihme exiketyme saereme ahtao. Moro tyrise eya oesarykõ enepotohme oya xine osesaritohme ropa totypohse awahtao xine te, oesemarykõ enepotohme roropa oya xine oytotoh toehse ahtao.