Jenexi 44:6 - Ritonõpo Omiry: A Bíblia Sagrada na língua Aparai do Brasil

⁶ Mame toytose tapyi erase rahkene. Joze omihpyry tokarose eya xine ahtao,

Jenexi 44:6 ပူးပေါင်းရင်းမြစ်များ

Jenexi 44:5

Oty katoh jesẽ kopu mematonanopyatose, parata risemy? Ikopũ moro eukuru ẽtohme te, zae pyra ehtoh apiakatohme roropa eya. Zae pyra matoke ipunaka imaro,” kaxiko eya xine, tykase Joze tytapyĩ erase a.

Jenexi 44:7

tozuhse ynororo eya xine. Ynara tykase toto: — Oty katoh morara ãko mah yna a? Oesẽ kyryry onematonanohsaromepyra ynanase.

2 Korĩtiu 7:11

Oemynyhmatohkõ zae kynexine Ritonõpo a. Axĩ toemynyhmase amarokomo oorypyrykõ poko. Oorypyrykõ rumekary se toehse matose. Oorypyrykõ poko oehtopõpyrykõ poko toehxirose matose. Ipoko ropa oexirykõ zuno toehse mexiatose. Yronymyryme kure ehtoh poko se toehse matose. Tyyrypyry poko aexihpyry zehno mexiatose. Mokyro wãnopyry se mexiatose. Naeroro imehnõ tutuarõtanohse zae oehtohkõ poko.