Jenexi 43:34 - Ritonõpo Omiry: A Bíblia Sagrada na língua Aparai do Brasil

³⁴ Oxisã zohkõ tyrise Joze zoh samo, yrome Pẽjamĩ zoty 5me paratu ao tyrise eya xine. Eukuru tõse roropa eya xine Joze maro. Tãkye toehse toto.

Jenexi 43:34 ပူးပေါင်းရင်းမြစ်များ

Jenexi 35:24

Rakeu maro toemũkuase asakoro: Joze te, Pẽjamĩ, enara.

Jenexi 45:22

Upo kasenato tokarose roropa eya xine. Yrome Pẽjamĩ a 300me parata tokarose eya, upo tytororo 5me roropa.

2 Samueu 11:8

Mame ynara tykase Tawi eya: — Atapyĩ taka ytoko oseremase pixo, tykase Tawi eya. Mame tutũtase ynororo, itapyĩ taka tynekaroryme otyro taropose tuisa a repe.

Porowepio 31:6

Eukuru jehnahpyry kure orihsasaka exiketõ okurume te, etuarimaketõ okurume roropa.

Ekereziaxti 10:19

Otuhtoh akorehmato mana oseahmatohme, uwa eukuru jehnahpyry akorehmato roropa atãkyematohme. Yrome tineru pyra ahtao morohne onyrisaromepyra mase.

Ekereziaxti 9:7

Naeroro otuhko ãtãkyemaryme; uwa eukuru ẽko õseahmaryme. Morohne riry oya kure Ritonõpo a mana.

Kãtiku 5:1

Ytoase utupi pona, kuku, ypytyme exikety. Mira apoĩko ase imehnõ otyro typoxine exiketõ maro; ano zeni ẽnõko ase, jokuru, uwa eukuru jehnahpyry roropa, suhsu maro. Otuhtokose osepyno exiketomo. Eukuru ẽtokose, oetỹtoh pona osepyno ehtoh ke.

Apakuke 1:6

Papironia põkõ enehnõko ase, zehno exiketomo, imehnõ etapananomo. Etypohpyra exĩko mã toto, ytoytoketõme mã toto sero nono poro, imehnõ nonory poremãkatohme.

Mateu 11:19

Mame Kapu ae Ayhtohpyry tooehse roropa oya xine. Orẽpyra otuhnõko ynororo. Jehnahpyry ẽnõko roropa mana. Morarame ynara ãko matose ipoko: “Enetoko ke. Tõtukuru poko emotyẽkãko mana. Jehnahpyry ẽnõko roropa mana itamurume. Kowenu tinerũ poko erohketõ xihpyry epeme roropa mana. Iirypyrymãkõ epeme roropa mana,” ãko matose ypoko. Yrome Ritonõpo poe João tyoro nexiase. Ritonõpo poe roropa tyoro ase. Tuaro Ritonõpo exiry enetupuhnõko matose. Zae aexiry enetupuhnõko roropa matose, aomipona imehnõ exiry eneryke oya xine, tykase Jezu eya xine.

João 2:10

Ynara tykase ynororo eya: — Oty katoh sẽ ke yna anauhpara make apitoryme hro? tykase ynororo pytakety a. — Seromaroro rokẽ tokoh sero kurã ekamopitõko ma, tykase eya aporesemy.

1 Samueu 1:5

Yrome itamurumehxo tokarose typyty Ana a, ipyno toexiryke, Ritonõpo poe emũkuara ynororo ahtao ro.