Jenexi 43:31 - Ritonõpo Omiry: A Bíblia Sagrada na língua Aparai do Brasil

³¹ Tyxitakehse tahtao tõmyty tukurikase eya. Tutũtase ropa ynororo. Ynara tykase: — Otuhtoh enehtoko rahkene, tykase ynororo.

Jenexi 43:31 ပူးပေါင်းရင်းမြစ်များ

Jenexi 45:1

Mame Joze tosenakunuhse yronymyryme. Morara exiryke typoetory tõ taropose eya, toiroro tyekyry tõ maro toehtohme. Opore ynara tykase: — Otũtatoko emero porehme sero tae! Naeroro Joze poetory tõ pyra toehse moro tao. Tutũtase toto ahtao porehme tõsekarose Joze turui tomo a.

Porowepio 10:19

Itamurumehxo õtururuhtao ameke hkopyra exĩko mase iirypyryme oehtoh pokona. Tuaro exiketyme awahtao õtary apururu waro mase.

Izaja 42:14

Ynara ãko Ritonõpo mana: “Okynahxo oturupyra exiase, mynyhme rokẽ exiase, ypoetory tõ onezuhpyra; yrome seromaroro kohtãko ase nohpo samo tonururuhtao, jetũ toehse ahtao xitãko mana pusuh ãko.

Jeremia 31:16

Xitara exiko, oxity ikorokako ropa. Onyrihpyry emero opoenõ poko topehmasẽme exĩko mana; oehnõko ropa mã toto epetõkara nonory poe. Ywy Ritonõpo oturuno.

1 Peturu 3:10

Ynara tymerose Ritonõpo omiryme: “Sekese oehtohkõ se awahtao xine, oseahmarykõ se roropa awahtao xine, omi xihpyry poko pyra ehtoko. Ajohpe pyra ehtoko roropa.