Jenexi 43:14 - Ritonõpo Omiry: A Bíblia Sagrada na língua Aparai do Brasil

¹⁴ Ritonõpo Jamihme Exikety amaro xine mana, ãkorehmatorỹko mokyro opyno xine ehtohme, oruikõ enehpotohme ropa Pẽjamĩ maro tapyi taka ropa. Otara ãko ywy? Ypoenõ tonahse ahtao? Toto onewomasaromepyra ase.

Jenexi 43:14 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 22:14

Moroto tosehpase Aparão a “Ekarõko Ritonõpo mana” me tosehpase eya. Morara exiryke seroae ro ynara ãko moro põkõ mana: “Ypy po, tosary po tokarosẽ ekarõko Ritonõpo mana.”

Jenexi 28:3

Ritonõpo, Jamihmehxo Exikety a, kure rokẽ oripõko ase opoenõ tuhke ehtohme, apakomotyã roropa, tuhke toto ehtohme.

Jenexi 35:11

Ynara tykase roropa Ritonõpo eya: — Ywy ase Ritonõpo Jamihmehxo Exikety. Emũkuako tuhke, typakõke tuhke oehtohme. Ahno imoihme, apakõ emãnõko mã toto, tuhke exiketõme exĩko mã toto, toitoine tuisa tõme exĩko mã toto.

Jenexi 39:21

Yrome Ritonõpo imaro kynexine, kure rokẽ tyrise ynororo eya, ãpuruhpyry esẽ zamaro toehse ynororo.

Jenexi 42:24

Mokaro maro ehxĩpo tutũtase Joze xitase. Mame tyxitakehse tahtao toeramase ropa ynororo toto a. Mame Ximeão tymenekase eya imyhtohme toto neneryme.

Jenexi 42:36

Mame ynara tykase Jako: — Ypoenõ enahkãko matose emero? Joze arypyra. Ximeão roropa arypyra toehse. Ãko ropa mya roropa amarokomo. Seromaroro Pẽjamĩ arory se amarokomo. Onoky sam ãkohxo? Ywy!

Jenexi 43:13

Ãkorõkõ arotoko amaro xine. Axĩ ytotoko mokyro a.

Jenexi 44:12

Toto saku ao tupise Joze poetory a. Tamuhpõmehxo exikety saku ao tupise eya osemazuhme. Mame atakenaka tupise eya, akomihpyry saku ao etyhpyryme. Moro kopu tonese eya Pẽjamĩ saku ao tonahsã maro.

Extara 7:27

Mame ynara tykase Extara: — Kure mase, Ritonõpo, yna tamuru tõ Esemy. Oya tyrise tuisa kurohtaka, oeahmary se ehtopo te, kure rokẽ Atapyĩ riry se ehtoh roropa, sero saaro Jerusarẽ po.

Neemia 1:11

Seromaroro jotururu oya etako opoetory tõ otururu roropa emero oeahmary se exiketomo. Kuakorehmako seroae ise jehtoh apoitohme ya kure rokẽ tuisa konõto ehtohme ya. Morara ahtao erokuase tuisa okuru poko.

Exite 4:16

“Juteu tõ emero oximõme tyripoko pata Susã põkomo, otuhpyra ehtoko õtururukõme ypoko. Oseruao ẽmepyry ae otuhpyra ehtoko otytyko onẽpyra ehtoko õtururukõme, saereme, koko, enara. Ywy roropa otuhpyra ase ypoetory tõ nohpo tõ maro. Moromeĩpo ytõko ase tuisa a oturuse, aomiry onymoipyra exikety samo. Mame moro pokoino taorihmapose jahtao, ‘Otara’ kara, orihnõko ase,” tykase Exite.

Saumu 100:5

Kure Ritonõpo exiryke, kypyno xine aexiry jũme mana, kypyno xine aehtoh amonohkara, zae rokẽ exikehpyra roropa mana.

Saumu 106:46

Typoetory tõ pyno iporemãkaponanõ tyripose ropa eya.

Saumu 119:41

Ritonõpo Jesemy, ypynohxo oehtoh enepoko ya, kypynanohko jepetõkara winoino õmihpyry ae ro!

Saumu 85:7

Ritonõpo yna Esemy yna pyno oehtoh enepoko yna a, yna ipynanohko roropa.

Porowepio 1:1

Zae omi ehtoh poko sero, Tawi mũkuru, Saromão nekarohpyry, Izyraeu tõ tuisaryme.

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Porowepio 21:1

Tuisa konõto osenetupuhtoh arory tupime pyra mana Ritonõpo a, iporiry sã mokyro eramãko mana typenetatoh ripotohme eya.

Izaja 49:13

Kapu tomo, oeremiatoko! Nono tomo, atãkyematoko! Ypy tomo, okohtatoko tãkye oehtohkõke! Typoetory tõ emuhkehkapõko Ritonõpo mana; typoetory tõ etuarimaketõ pynanohnõko mana.

Ruka 1:50

Imehnõ pyno roropa Ritonõpo mana. Tõmipona exiketõ pyno kuhse mana. Pakatokõ pyno kynexine. Seromatokõ pyno roropa mana. Moromeĩpo ypakomotyã pyno exikehpyra mana. Mya otuotuhponamãko mana.

João 19:22

Ynara tykase Pirato eya xine: — Ynymerohpyry onytyoromara ase. Ah morara rokẽ nexino, tykase eya xine ynororo.

Atos 21:14

Morarame yna omiry etary se pyra Pauru exiryke, ynanurukepyase ynororo. — Ah nytono Ritonõpo maro, ynanase ipoko.

Atos 7:10

Toenupunase ipoko. Tutuarimakehpose eya. Morarame Ejitu esẽ Joze se toehse, tuaro aexiryke. Esety Parao kynexine. Joze kowenatume tyrise eya tytapyĩ esẽme roropa.

1 Timoteu 1:16

Ynara kakehpyra sehtone Ritonõpo a: “Kure mase Ritonõpo imehxo,” kakehpyra sehtone. Pake Kuesẽkõme kynexine. Kuesẽkõme ro mana. Kuesẽkõme exikehpyra roropa mana. Orihpỹme mã ynororo. Osenepyra mana. Toiro mã Ritonõpo, imepỹ pyra. Okynã sã kyzehno xine pyra exiketyme ynororo. Iirypyryme itamurume jahtao juãnohpyra Jezu Kyrixtu kynexine. Yrome yzehno pyra kynexine imehnõ tuarõtanohtohme typoko, enetupuhtohme toto a tosẽkõme, jũme orihpyra toto ehtohme.

1 Timoteu 1:2

“Kure rokẽ Timoteu tyriko. Ipyno exiko. Torẽtyke pyra tyriko roropa, ajohpãme samo,” ãko ase Ritonõpo a, Kumykomo a. Morara ãko ase Jezu Kyrixtu a roropa, Kuesẽkomo a.

Titu 1:4

Umũkurume mase Titu, Jezu Kyrixtu tonetupuhse oya exiryke. Ynara ãko ase Ritonõpo a: “Papa, Titu pyno ke exiko. Torẽtyke pyra tyriko roropa,” ãko ase. Jezu Kyrixtu a morara ãko roropa ase kukurãkanekõme exiryke.

2 João 1:3

Ynara ãko ase Ritonõpo a: “Papa Kapuaono, kure rokẽ yna tyriko. Yna poko oenupunako. Torẽtyke pyra yna tyriko õmiry enetupuhtohme yna a, imehnõ pyno roropa yna ehtohme,” ãko ase. Morara ãko ase Jezu Kyrixtu a, Ritonõpo mũkuru nymyry a.