Jenexi 42:9 - Ritonõpo Omiry: A Bíblia Sagrada na língua Aparai do Brasil

⁹ Wenikehpyra kynexine Joze tõsenehtopõpyry poko toto poko. Ynara tykase ynororo eya xine: — Yna epekara matose. Yna enese moehtou, jamihme pyra yna ehtoh waro oehtohkõme.

Jenexi 42:9 ပူးပေါင်းရင်းမြစ်များ

Jenexi 37:11

Yrome irui tõ Joze zumoxike toehse toto. Yrome jũkõ “Teh,” tykase rokene. Tõsenetupuhse rokẽ tukurohtao.

Jenexi 42:16

Toiro ytõko amarokomo mokyro enehse xiaro. Yrome amarokomo ãpuruhpyry taka ytõko, mokyro oehtoh pona ro, ajohpe pyra oexirykõ waro jehtohme. Zae pyra awahtao xine yna enese moehtou jamihme pyra yna ehtoh waro oehtohkõme.

Jenexi 42:34

Yrome ãkorõkõ akomihpyry enehtoko ya. Morara ahtao tuaro exĩko ase, yna etapary se pyra oexirykõ poko, zae exiketõme oexirykõke. Morarame ãkorõkõ ekarõko ropa ase oya xine. Osepekahnõko roropa matose.”

2 Samueu 10:3

Amõ põkõ tamuximãkõ ynara tykase tutuisarykomo a: — Oty enetupuhnõko mah mokaro Tawi nenyohtyã poko? Omy orihtopõpyry poko emynyhmãko nae, topeme oriry poko nae? Nary, tykase toto. Tonehpose sãtã mã toto Tawi a kypatarykõ enetohme, tuaro ehtohme, imeĩpo kyporemãkatohkõme, tykase toto.

Exutu 32:35

Morara exiryke tyrohsẽ ke Izyraeu tõ tuãnohse Ritonõpo a, pui mũkuru panõ, uuru risẽ tyripose Arão a eya xine exiryke.

Numeru 13:2

— Orutua kõ aropoko Kanaã nonory enetohme, moro nono ekarõko ase Izyraeu tomo a. Toiro orutua imenekako tuisame exikety Jako poenomotyã punero.

Ruka 20:20

Naeroro Jezu apoitoh eraximãko rokẽ toh kynexine. Enenanõ topehmase eya xine Jezu enekunohtohme repe. — Kure sã oturutoko imaro. Oturupoko roropa eya. Mame yronymyryme aomiry etatoko. Otarãme azahkuru ynororo mana. Otarãme kowenu kerekeremãko mana. Morara ahtao kowenatu a ekarõko sytatose. Kowenatu omi poe rokẽ etapãko sytatose, tykase toto Jezu poko.

Epereu 11:31

Raape orutua kõ poko aexihpyry kynexine repe. Yrome Ritonõpo enetuputyryke tyya Jozue nenyohtyã towomase eya, Jeriko enese toytose toto ahtao. Naeroro typynanohse roropa ynororo Ritonõpo a. Orihpyra tokurehse ynororo Ritonõpo onenetupuhpynõ totapase ahtao.

Jozue 2:1

Mame tosarykõ poe, Akaxia po, enenanõ asakoro taropose Jozue a tokare pyra. Ynara tykase ynororo eya xine: — Mokaro nonory enetatoko, ipatarykõ Jeriko roropa ipoko tuaro oehtohkõme. Mame toytose toto. Moroto nohpo kynexine, esety Raape, orutua kõ poko exikety. Mokyro tapyĩ taka tomõse toto nyhse.

Jozue 6:23

Toytose toto mokyro enehse jũ maro, jẽ maro, ipiry tõ maro, imehnõ jekyry tõ maro emero. Itapyĩ tae tarose toto emero jarãnaka, toto ewomatoh taka, Izyraeu tõ esary myhtokoxi.

Juize 1:24

orutua tonese eya xine pata poe tũtãko. Ynara tykase toto eya: — Otãto omõnõko ynanae pata pona? Yna zuruko oetapara yna ehtohme.

1 Samueu 26:4

typoetory taropose Tawi a aosenuhmatohme, zuaro toehtohme Sauu oepyry poko.