Jenexi 42:4 - Ritonõpo Omiry: A Bíblia Sagrada na língua Aparai do Brasil

⁴ Yrome Joze akorõ, Pẽjamĩ, anaropopyra Jako kynexine irui tõ maro. Tumũkuru akomihpyry ryhmary zuno kynexine irui tõ maro.

Jenexi 42:4 ပူးပေါင်းရင်းမြစ်များ

Jenexi 11:4

Mame ynara tykase toto: — Seromaroro pata syritone, tapyi kaetokohxo exikety roropa, akurũ pona ehtohme. Morara kuahtao xine orẽpyra exĩko sytatose kuaro xine exĩko imehnõ mana emero. Atahpahpyra roropa sytatose sero nono poro.

Jenexi 3:22

Mame ynara tykase Ritonõpo: — Seromaroro mokyro toehse yna samo, tutuarõtase aexiryke zae ehtoh poko te, zae pyra ehtoh poko roropa. Jũme isene ehtoh wewe epery enapyryhtao eya orihpỹme exĩko mana, popyra morara exiry eya.

Jenexi 35:24

Rakeu maro toemũkuase asakoro: Joze te, Pẽjamĩ, enara.

Jenexi 42:3

Naeroro toytose Joze rui tomo Ejitu pona tonahsẽ epekahse.

Jenexi 42:38

Ynara tykase Jako: — Ytopyra mã umũkuru amaro xine ipunaka. Irui, Joze toorihse. Pẽjamĩ rokẽ tõxinamase. Otara tyko toehse ynororo ahtao, oytorykohtao, otara ãko matou? Morara awahtao xine jorihmapõko matose jatasamaryke, tamuhpõme jexiryke, tykase ynororo eya xine.

Jenexi 43:14

Ritonõpo Jamihme Exikety amaro xine mana, ãkorehmatorỹko mokyro opyno xine ehtohme, oruikõ enehpotohme ropa Pẽjamĩ maro tapyi taka ropa. Otara ãko ywy? Ypoenõ tonahse ahtao? Toto onewomasaromepyra ase.

Jenexi 43:29

Tõsenuhmase Joze. Takorõ Pẽjamĩ tonese ahtao ynara tykase: — Mose ãkorõ akomihpyry, moturuatose ipoko? Kure rokẽ orĩko Ritonõpo mana, aimo!