Jenexi 42:37 - Ritonõpo Omiry: A Bíblia Sagrada na língua Aparai do Brasil

³⁷ — Pẽjamĩ ewomãko ase, tykase Rupẽ tumy a. — Ywy mose enehnõko ropa oya. Onenehpyra ropa jahtao, umũkuru tõ asakoro etapako, tykase ynororo tumy a.

Jenexi 42:37 ပူးပေါင်းရင်းမြစ်များ

Jenexi 42:36

Mame ynara tykase Jako: — Ypoenõ enahkãko matose emero? Joze arypyra. Ximeão roropa arypyra toehse. Ãko ropa mya roropa amarokomo. Seromaroro Pẽjamĩ arory se amarokomo. Onoky sam ãkohxo? Ywy!

Jenexi 42:38

Ynara tykase Jako: — Ytopyra mã umũkuru amaro xine ipunaka. Irui, Joze toorihse. Pẽjamĩ rokẽ tõxinamase. Otara tyko toehse ynororo ahtao, oytorykohtao, otara ãko matou? Morara awahtao xine jorihmapõko matose jatasamaryke, tamuhpõme jexiryke, tykase ynororo eya xine.

Jenexi 43:9

Ywy tomeseke ase Pẽjamĩ poko, ewomãko ase. Kure onenehpyra ropa jahtao, jyhxirõko mase iirypyryme jexiryke. Kyryh kara oexiryke taro ro yna, mãpyra kywyh tykase awahtao, pake toytose ynanexiry, tooehse ropa ynanexiry roropa, tykase Juta tumy a.

Jenexi 46:9

Rupẽ mũkuru tomo: Enoke te, Paru te, Ezerõ te, Karami, enara.

Mikeja 6:7

Ritonõpo zamaro exĩko ha miu motye kaneru tõ zahkaryhtao ya ynekaroryme eya? 10 miume iporiry tõ pehme azeite maro? Umũkuru osemazupu ekarõko ha jahkatohme ynekaroryme, yyrypyry tõ epehmatohme, popyra jehtopõpyry korokapotohme?