Jenexi 42:2 - Ritonõpo Omiry: A Bíblia Sagrada na língua Aparai do Brasil

² Tonahsã nae Ejitu po, ãko toto. Ytotoko morotona, kynapyrykõ epekahtatoko orihpyra kuehtohkõme kuemirykõke.

Jenexi 42:2 ပူးပေါင်းရင်းမြစ်များ

Jenexi 42:3

Naeroro toytose Joze rui tomo Ejitu pona tonahsẽ epekahse.

Jenexi 43:2

Mame toto napyry tonahkase Jako ekyry tomo a Ejitu po inepekatyhpyrykomo. Mame ynara tykase Jako tumũkuru tomo a: — Ytotoko ropa Ejitu pona ropa tonahsã pitiko epekahtatoko ropa kynapyrykomo.

Jenexi 43:4

Naeroro mokyro aroporyhtao oya, yna maro ytotohme, ytõko ynanase kynapyrykõ epekahse.

Jenexi 43:8

Ynara tykase Juta tumy a: — Aimo aropoko ymaro. Axĩ ytõko ynanase seromaroro. Mame orihpyra sytatose; yna, omoro, yna poenomo, enara.

Jenexi 45:9

— Seromaroro ytotoko ropa axiny tapyi taka, papa zurutatoko: “Omũkuru, Joze a tõmiry tonehpose oya, ynara ãko: ‘Ritonõpo a Ejitu kowenatume tyrise ywy porehme. Axĩ ke osehko xiaro; ekurehpyra exiko.

Saumu 118:17

Orihpyra exĩko ase; mãpyra isene exĩko ase, imehnõ zurũko ase Ritonõpo Kuesẽkõ nyrityã poko.

Saumu 33:18

Ritonõpo Kuesẽkõ rokẽ mã tõmiry omipona exiketõ ewomãko mana. Ynoro rokẽ mã typyno xine aehtoh enetupuhnanõ kurãkãko mana.

Saumu 33:19

Toto pynanohnõko mana orihpyra toto ehtohme. Mame omise konõto toehse ahtao isene ro toto kurãkãko mana.

Izaja 38:1

Morarame tuisa Ezekia takuruhtase yronymyryme, orikyĩse kynexine. Mame urutõ Izaja, Amoxi mũkuru, toytose mokyro enese, ynara tykase eya: — Ynara ãko Ritonõpo mana: “Okyryry tõ ikurãkako emero, ekurãkara ropa oexiryke. Orihnõko mase.”

Mateu 4:4

— Arypyra, tykase Jezu eya. — Ynara tymerose Ritonõpo omiryme: “Wyi kure repe. Yrome wyi poko rokẽ awahtao xine orihnõko matose. Mãpyra Ritonõpo omipona awahtao xine ipunaka orihpỹme exĩko matose,” ãko Ritonõpo omiry, tykase Jezu eya.

Atos 7:12

Yrome Ejitu põkõ nykyryry nae ro kynexine. Imeĩpo morara kary etaryke tyya tumũkuru tõ tonyohse Jako a tynapyrykõ epekahse.