Jenexi 42:13 - Ritonõpo Omiry: A Bíblia Sagrada na língua Aparai do Brasil

¹³ — Kanaã põkõme ynanase, tykase toto. — 12me ynanase, papa mũkuru tomo. Yrome toiro yna akorõ toorihse, mokyro akomihpyry papa maro mana.

Jenexi 42:13 ပူးပေါင်းရင်းမြစ်များ

Jenexi 37:30

Takorõ tomo a toytose ynororo. Ynara tykase: — Mokyro, aimo arypyra toehse. Seromaroro oty rĩko ywy?

Jenexi 42:11

Atakorõme ynanase. Yna zumy toiro mana. Imehnõ etapary se pyra ynanase, tuisa! Zae exiketyme ynanase.

Jenexi 42:12

— Ajohpe matose, tykase Joze. — Yna enese moehtou jamihme pyra yna ehtoh waro oehtohkõme.

Jenexi 42:14

— Morara yka, tykase Joze. — Yna enese moehtou, jamihme pyra yna ehtoh waro oehtohkõme.

Jenexi 42:32

12me ynanase papa mũkuru tomo. Yrome toiro arypyra toehse. Yna akorõ akomihpyry seromaroro papa maro Kanaã po,” tykase yna.

Jenexi 42:36

Mame ynara tykase Jako: — Ypoenõ enahkãko matose emero? Joze arypyra. Ximeão roropa arypyra toehse. Ãko ropa mya roropa amarokomo. Seromaroro Pẽjamĩ arory se amarokomo. Onoky sam ãkohxo? Ywy!

Jenexi 42:38

Ynara tykase Jako: — Ytopyra mã umũkuru amaro xine ipunaka. Irui, Joze toorihse. Pẽjamĩ rokẽ tõxinamase. Otara tyko toehse ynororo ahtao, oytorykohtao, otara ãko matou? Morara awahtao xine jorihmapõko matose jatasamaryke, tamuhpõme jexiryke, tykase ynororo eya xine.

Jenexi 43:29

Tõsenuhmase Joze. Takorõ Pẽjamĩ tonese ahtao ynara tykase: — Mose ãkorõ akomihpyry, moturuatose ipoko? Kure rokẽ orĩko Ritonõpo mana, aimo!

Jenexi 43:7

Ynara tykase toto: — Mokyro tõturupose itamurume yna ehtoh poko te, yna ekyry tõ poko te, opoko. Ynara tykase ynororo: “Omykõ isene ro nae? Nae ro matou imepỹ ãkorõkomo?” Tozuhse rokẽ yna a. Tuaro pyra ynanexiase: “Ãkorõkõ enehtoko xiaro,” katoh poko eya.

Jenexi 44:20

Tokarose emero yna a: “Papa nae ro mana, tamuhpõme exikety. Yna akorõ akomihpyry tonuruse tamuhpõme nymyry papa ahtao. Mose rui toorihse. Seromaroro toiroro mose ro nase jẽ ekepyry mũkuhpyry. Ipynohxo mã jumy ipunaka.”

Jenexi 44:28

Toiro ywinoino toytose. Mame onenepyra ropa tokurehse ywy. Otarame toatãse ynororo, onokyro a tosekase otarame.

Jenexi 45:26

Ynara tykase toto eya: — Joze isene ro mana! Kowenatume mana Ejitu tõ esẽme porehme! — Ajohpe! Atahmãkara ehtoko, tõserehse ynororo.

Jeremia 31:15

Ynara tykase Ritonõpo: “Panaikato osetãko mana Rama po, ixitary yronymyryme. Rakeu xitãko mana tumũkuru tõ poko; tõsemuhkehkary se pyra mana, toorihse toto exiryke emero.

Ramẽtasão 5:7

Yna tamuru tõ iirypyryme toehse toh nexiase, toorihse mã toto, yna etuarimãko popyra mokaro ehtopõpyry pokoino.

Mateu 2:16

Morarame mokaro a tonekunohtopõpyry poko tutuarõtase tahtao, tyekĩtapãse Erote. Xirikuato ekahmahpõkõ zehno toehse. Mame soutatu tõ taropose eya Perẽ pona poeto pisarara enurusenã kõ etapatohme. Emero porehme totapapose toto orutua komo, inenyohtyamo a. Tyse suhsuru poko ro exiketõ tonahkapose eya Jezu enurutopõpyry poko tutuarõtase toexiryke xixi tũtatoh wino aehtyamo a turuse toexiryke. Morara exiryke emero totapapose toh eya, Perẽ põkõ poenomo, Perẽ zomyẽkõ poenomo roropa. Enara totapapose toh Erote a.

Mateu 2:18

“Panaikato osetãko mana Rama po, ixitary yronymyryme. Rakeu xitãko mana tumũkuru tõ poko; tõsemuhkehkary se pyra mana, toorihse toto exiryke emero,” tykase Jeremia pake.