Jenexi 41:51 - Ritonõpo Omiry: A Bíblia Sagrada na língua Aparai do Brasil

⁵¹ Osemazupu tosehpase eya Manaseme, ynara karyke: “Ritonõpo poe tuenikehse ywy jetuarimatopõpyry poko, papa tapyĩ taõkõ poko roropa.”

Jenexi 41:51 ပူးပေါင်းရင်းမြစ်များ

Jenexi 41:30

Moromeĩpo 7me jeimamyry ehtopo tonahsã pyra exĩko mana konopo pyra exiryke. Morara toehse ahtao apotũkehnõko mã toto sero põkomo tomirykõke.

Jenexi 41:50

Mame moro jeimamyry tõ etuarimatoh exipyra ro ahtao toemũkuase Joze asakoro typyty Asenate maro.

Jenexi 41:52

Zakorõ tosehpase eya Eparaĩme, ynara tykase: “Umũkuru tõ ekaroase Ritonõpo ya sero pata po, jetuarimatoh po.”

Jenexi 48:1

Morarame Joze turuse jumy kure pyra ehtoh poko. Naeroro toytose Joze tumy enese, tumũkuru tõ asakorõkõ tarose eya, Manase te, Eparaĩ, enara.

Jenexi 48:5

Mame ynara tykase roropa Jako Joze a: — Seromaroro omũkuru tõ Eparaĩ te, Manase maro, taro Ejitu po aenurutyamo oehpyra ro jahtao, umũkurume mã toto. Eparaĩ te, Manase maro umũkurume mã toto, umũkuru Rupẽ ehtoh samo te, Ximeão sã roropa.

Jo 11:16

Wenikehnõko mase oetuarimatopõpyry poko, zueme tuna ehtopõpyry samo. Tãpaise ropa ahtao axĩ tuenikehse ropa mana.

Saumu 30:11

Jemynyhmary tymyakãmase oya watoh ke, jatãkyemary ke. Yxitatopõpyry tymyakãmase oya tãkye ehtoh ke. Jomye tãkye jehtoh tyrise oya.

Saumu 30:5

Zehno Ritonõpo ehtoh axĩtao rokẽ mana, yrome kure aexiry exikehpyra mana isene ro kuahtao xine. Kyxitarykõ poko ẽmehnõko sytatose repe, yrome tõmehse ahtao atãkyemãko ropa sytatose.

Saumu 45:10

Tuisa pytyme exikety, jomiry etako: “Oekyry tõ poko owenikehko, omy tapyĩ taõkomo.

Porowepio 31:7

Ah jehnahpyry ẽno toto wenikehtohme toetuarimarykõ poko te, tãkye pyra toehtohkõ poko, enara!

Izaja 57:16

Ypoetory tõ zupokakehnõko ase, jũme pyra toto zehno exĩko ase; toto zehno exikehpyra jahtao orikyry toto, yrome isene ypoetory tõ tyrise ya, toto orikyry enery se pyra jexiryke.

Izaja 65:16

Mame ahno, Ritonõpo nonory põkõ kure ehtoh ekaropory se ahtao, Ritonõpo a morohne ekaropõko mana, tõmihpyry anamonohpyra Exiketyme exiryke; imehnomo a tõmiry etapory se ahtao: ‘Ritonõpo neneryme morara tyrĩko ase,’ ãko mã toto.” Ynara ãko Ritonõpo mana typoetory tomo a: “Wenikehnõko matose oetuarimatopõpyrykõ poko, ywy roropa morohne poko wenikehnõko ase.

Numeru 26:28

Manase ekyry tomo, Eparaĩ ekyry tõ maro, Joze mũkurume mokaro toh nexiase.

Teuteronomiu 33:17

Kure potu mana pui orutua wãtasenãme exikety samo, tyretyke exikety samo. Iretyry mã miu motye Manase pakomotyamo, tuhke miumãkõ roropa Eparaĩ pakomotyamo. Mokaro maro Joze tõ osetapãko topetõkara maro, toto purohmãko mana sero nono poro porehme.”

Jozue 14:4

Joze pakomotyamo a tapiakase asakoro oxiekyrymãkõme: Manase, Eparaĩ, enara. Rewita tomo a nono onekaropyra toehse. Yrome pata tõ tokarose eya xine toto esarykõme ona maro, onahpoty ke toky tõ nahpatohme, pui tõkehko kaneru tõ roropa.

Jozue 17:1

Nono zokonaka tokarose Manase tomo a, Joze mũkuru esemazupurume exiryke. Makia, Kireate zumy, Manase mũkuru aemũkuapitory kynexine osemazupu; soutatume roropa kynexine ynororo. Kireate nonory tapoise eya Pasã roropa.

1 Samueu 1:20

Poetoẽme toehse ynororo. Mame enurutoh po toehse ahtao tonuruse orutuame. Tumũkuru tosehpase eya Samueume, ynara karyke: — Mose umũkuru ekaropoase Kuesẽkõ Ritonõpo a.