Jenexi 41:42 - Ritonõpo Omiry: A Bíblia Sagrada na língua Aparai do Brasil

⁴² Tomary poe omahtao touse tuisa a, Joze emary aka tõmase omahtao eya. Moromeĩpo upo kurã tamurupose eya, mauru panono risemy. Keti uuru risẽ tyrise eya ipymyry ae.

Jenexi 41:42 ပူးပေါင်းရင်းမြစ်များ

Jenexi 38:18

— Oty se hma ykyryryme inomotohme amaro? tykase Juta. — Sinete te, korotão maro te, omyxiry maro, enara, tykase ynororo. Morohne tokarose Juta a eya. Imaro toehse ynororo, poetoẽme toehse nohpo.

Jenexi 41:43

Mame Joze tyrise tuisa konõto a tykanary aka. Typoetory tõ tonyohse eya osemazuhme, opore oturutohme: “Osema apuruhmakatoko, osema apuruhmakatoko tuisa esemaryme,” tykase toto. Moro sã Joze toehse kowenatume, Ejitu tuisaryme.

Exite 10:3

Tuisamehxo toehse Moatekai tuisa Xerexe akorehmaneme. Imehnõ emero motye toehse ynororo. Tuisa Xerexe rokẽ imotye kynexine. Juteu tõ emero ise toh nexiase, ipyno toh nexiase, toerohse yronymyryme Moatekai exiryke toto ewomatohme, kure rokẽ toto ehtohme, enara.

Exite 3:10

Mame tomary ae omahtao touse tuisa a, moro ke tosety tyrise eya tõmihpyry merosẽ pokona tynyripohpyry ripotohme, moro omahtao tokarose tuisa a Hamã emahpokoxi, Hametata mũkuhpyry, Akake ekyrỹpyry, juteu tõ epekara.

Exite 3:12

Ẽmepyry 13mã po, nuno apitorymã po, pape meronanõ tykohmase Hamã a tuisa tapyĩ taka, tynyripohpyry ekarotohme eya xine. Tõmiry tyripose eya emero omiry ae roropa tuisa nonory poro exiketomo a ekarotohme. Tynyripohpyry taropose eya emero tuisa tõ neneryme, kowenu akorehmananomo a, kowenatu tomo a roropa, ahno tamuximãkomo a, enara. Moro tymerose eya tuisa Xerexe omiryme, tuisa esety tyrise roropa ipokona. Mame moro tapuhse tuisa omahtaõ ke.

Exite 8:10

Tynymeropohpyry tymerose tuisa omiryme, tapuhse tuisa esety ke, tuisa emahtaõ ke. Mame moro pape tõ tarose kawaru po ytoketomo a, tuisa eky tõ po.

Exite 8:15

Tutũtase Moatekai tuisa tapyĩ konõto tae, upo kurã tamuruse ezuezumã karimutumã maro te, parimã panõ nexiase zupuhpyry po uuru risemy te, upo jaraono, kapa tahpirẽ maro mauru panõ risemy. Osema tao tãkye toh nexiase, tykohtase toto tãkye exiketomo.

Exite 8:2

Naeroro omahtao touse tuisa a tomary ae, tapoise ropa exiryke Hamã winoino, moro tokarose eya Moatekai a. Mame Moatekai tyrise Exite a Hamã kyryrỹpyry eraseme.

Exite 8:8

Yrome inyripohpyry tymerose ahtao jomiryme, tapuhse roropa ahtao jesety ke onytyoromasaromepyra mana. Mãpyra ise oehtohkõ imerotoko juteu tõ neneryme. Jesety tyritoko ipokona, mame moro apuhtoko jemahtao ke.

Saumu 73:6

Naeroro, epyrypãko mã toto osenao riry samo tomeporyme, imehnõ ryhmãko mã toto upo amururu samo.

Porowepio 1:9

Inamorepatohkõ oehtoh kurãkãko mana, parimã kurã sã te, osenao kasuru kurã emeporyme ehtoh samo enekurehxo oehtohme.

Porowepio 31:22

Ãty kõ rĩko mana, upo amurũko mã ynororo mauru panõ risemy, imepỹ kamisa kurã risẽ roropa.

Porowepio 31:24

Upo rĩko mokyro nohpo, zamareary roropa ekamotohme osepekahketomo a.

Kãtiku 1:10

Oẽmyty enekure mana, oũsety maro, panasere maro. Opymyry kure potu mana osenao maro, uuru risemy!

Kãtiku 4:9

Kuku, opyno ase ipunaka, toiro jeneryhtao oya okyryry osenao tonese ahtao ya jeano tomatonanohse oya, opyno toehse ywy yronymyryme.

Izaja 3:23

upo osenepotoh tonomo te, kamisa mauru panõ risẽ kurã te, turupãte tomo te, mãtiria tomo, enara.

Jeremia 52:33

Naeroro Joakĩ a tupõ, ãpuruhpyry taõ zupony turumekase eya, upo kurã amurutohme, autuhtohme tuisa otuhtoh po toorikyry ponãmero.

Ezekieu 27:7

Kamisã tõ tyrise mauru panõ risemy Ejitu poe tonehse, kamisa kurano mauru panono risemy, emeporyme tyxixĩse ehpiry poro; moino tonetupuhse kehko. Jerutume ehtoh tyrise kamisa kurã ke, ezuezumã ke tonehse ahmõta Xipere poe.

Tanieu 5:16

Mame turuse ywy opoko, tupimãkõ enetupuhnõko mase, zuaro pyra imehnõ ehtoh enetupuhnõko mase. Naeroro moro oma nymerohpyry sekeremaryhtao oya, enetupuhtoh ekaroryhtao roropa ya, upo kurã ekarõko ase oya, õkyry kurã uuru risẽ roropa oesenaka tyritohme te, tuisame orĩko roropa ase, tuisame oehtoh oseruaõme ehtohme ymaro, tykase.

Tanieu 5:29

Morara kary etaryke Peusazaa a Tanieu tupohtose tuisa zupõ kurã ke. Aokyry roropa kurã uuru risẽ tyrise esenary pokona. Tuisamehxo Tanieu tyripose roropa eya tymaro papironio tõ tuisaryme ehtohme.

Tanieu 5:7

Mame tykohtase ynororo, ynara tykase: — Pyaxiã enehpotoko, tuaro exiketomo te, xirikuato poko tuaro exiketomo roropa. Tooehse toto ahtao ynara tykase Peusazaa eya xine: — Moro imerohpyry apuru poko isekeremaryhtao, moro kary ekaroryhtao roropa ya, tuisa zupõ kurã ekarõko ase oya, uuru risẽ maro okyryme, tuisamehxo orĩko roropa ase ymarõme, tykase tuisa.

Ruka 15:22

— Mame ynara tykase jumy typoetory tomo a: “Axĩ umũkuru zupõ enehtoko, kurano, amurutohme eya,” tykase. “Omahtao roropa ke ẽmatoko emary aka. Sapatu roropa ekarotoko eya.

1 Samueu 18:4

Mame tupõ touse eya ekarotohme Tawi a, tykyryry soutatu zupõ maro te, typyre tapema te, taky roropa te, tymetỹ eary, enara.