Jenexi 4:26 - Ritonõpo Omiry: A Bíblia Sagrada na língua Aparai do Brasil

²⁶ Sete toemũkuase Enome. Morara ahtao Ritonõpo esety kure tyripitose eya xine, Ritonõpo toahmapitose, tõseahmarykohtao eya xine.

Jenexi 4:26 ပူးပေါင်းရင်းမြစ်များ

Jenexi 12:8

Moromeĩpo ypy tõ nonory pona toytose Aparã, Peteu pata poe xixi tũtatoh winakoxi. Moroto tõsesarise ynororo. Peteu kynexine xixi omõtoh wino. Pata Ae kynexine xixi tũtatoh wino. Moroto roropa apoto apõ tyrise Aparã a Ritonõpo eahmatohme, toahmase eya moroto.

Jenexi 26:25

Moroto apoto apõ tyrise Izake a tynekarory zahkatohme Ritonõpo eahmatohme. Moroto tõsesarise roropa ynororo, mame ipoetory tomo a imepỹ tuna eutary tahkase.

1 Tuisa 18:24

Mame apoto enehpõko matose oesẽkomo a, tykase. — Ywy roropa Ritonõpo a apoto enehpõko ase. Mame apoto enehporyhtao typoetory tõ nekarory zahkatohme, mokyro rokẽ jamihme mana. Kuesẽkõme nymyry enetupuhnõko sytatose, tykase Eria eya xine. — Ỹ, tykase imoihmãkomo, zae õmiry nase, tykase toto.

Saumu 116:17

“Kure mase,” ãko ase ynekaroryme oya, jotururu ekarõko ase roropa oya.

Izaja 44:5

“Imeimehnõ Izyraeu tõ maro oximaro exĩko mã toto. Toitoine ynara ãko: ‘Ywy ase Ritonõpo poetoryme;’ imepỹ Jakome osesehpãko mana; imepỹ ropa imerõko mana tomary pokona: ‘Ritonõpo Jesẽme mana;’ imepỹ roropa esehpãko mana Izyraeume tosetyme.”

Izaja 48:1

Etatoko pahne, Izyraeu tomo! Juta pakomotyã, etatoko! Õmirykõ etapõko matose Ritonõpo netaryme repe: “Izyraeu Esẽ eahmãko ase,” ãko roropa matose repe, yrome ajohpe matose, õmirykõ zae pyra mana.

Izaja 63:19

Yna rĩko mase yna kowenatume exipitopyra exiketyme oexiry samo, opoetoryme yna exipitopyra ehtoh sã roropa.

Jeremia 33:16

Moro ẽmepyry toehse ahtao Juta tomo typynanohsẽme exĩko mã toto, Jerusarẽ põkõ roropa towomasẽme exĩko. Mame Jerusarẽ esehpãko mã toto: “Ritonõpo, Kypynanohnekomo.”

Joeu 2:32

Yrome Ritonõpo a ekaroporyhtao ahno a takorehmatohme, typynanohsẽme exĩko mana. Ynara tykase Ritonõpo exiryke: ahno akoĩpyry ypy Xião po exĩko mã toto, Jerusarẽ po, Ritonõpo nymenekatyã typynanohsẽme exĩko mã toto.

Sowonia 3:9

— Morarame ahno tõ kurãkãko ropa ase tyneponãmarykõ eahmakehtohme eya xine. Ywy rokẽ jeahmãko mã toto Tosẽkõme. Jomiry omipona toto ripõko ase, jomiry omipona toto ehtohme emero porehme yronymyryme.

Ruka 3:38

Kainã mokyro Enoxi mũkuru. Enoxi mokyro Sete mũkuru. Sete mokyro Atão mũkuru. Atão mokyro Ritonõpo mũkuru.

Atos 11:26

Takorehmaneme tonehse eya Ãtiokia pona. Morarame moroto toiro tyeimãse ynaroro morotõkõ amorepary poko. Mame moroto Ãtiokia po Jezu poetory tõ Kyrixtujaname tosehpase osemazuhme morotõkomo a.

Atos 2:21

Morarame ‘Tuisa oenupunako ypoko,’ karyhtao oya xine ynymenekahpyry a, enupunãko mã rahkẽ opoko xine, tykase Ritonõpo,” me tymerose Joeu a Ritonõpo omi poe.

Romanos 10:13

Ynara tymerose Ritonõpo omiryme: “ ‘Papa Kapuaono, kukurãkako,’ kananõ pynanohnõko Ritonõpo mana emero porehme,” ãko.

1 Korĩtiu 1:2

Ynanymerohpyry moro Korĩtu põkõ neneryme Ritonõpo poetory tõ neneryme, Jezu Kyrixtu enetupuhnanõ neneryme. Toahmase matose eya tymaro oehtohkõme. Imaro toehse matose, Jezu Kyrixtu a tukurãkase oexirykõke, emero Kuesẽkõ Jezu enetupuhnanõ maro, emero pata tõ punero.