Jenexi 4:22 - Ritonõpo Omiry: A Bíblia Sagrada na língua Aparai do Brasil

²² Mame Zira toemũkuase Tupaukaĩme. Tupaukaĩ toerohse kurimene riry poko te, metau riry poko roropa. Aoryxiry kynexine Naama.

Jenexi 4:22 ပူးပေါင်းရင်းမြစ်များ

Jenexi 4:21

Japau akorõ tõ kynexine Jupau. Jupau pakõ rue etonanõme toh kynexine, rira maro.

Jenexi 4:23

Morarame Rameke a typyxiã turuse: — Ata, Zira maro jomiry ke etatoko, orutua nuasemã etapano totapase jexiryke eya.

2 Koronika 2:7

Morara exiryke orutua enehpoko ya, emese kure exikety toerokuru poko uuru poko te, parata te, metau te, kurimene roropa; kamisa riry poko roropa, puupura te, kamirarame te, ezuezume te, wewe poko toerokuru waro roropa exikety. Erohketõ tarõkõ maro erohnõko mana, Juta po Jerusarẽ po roropa, papa nymenekatyã maro.

Exutu 25:3

Kure ynara ekaroryhtao: uuru te, parata te, metau te;

Numeru 31:22

Mõkomo emero zahpyra exiketõ apoto ke, uuru te, parata te, metau te, kurimene te, exitanio te, xũpu, enara tyriposẽme exĩko apoto htaka ikurãkatohme nuriame pyra ehtohme. Yrome mõkomo emero apoto ke zahketomo, morohne ikurikãko matose tuna ke.

Teuteronomiu 33:25

Ah ipatarykõ towomaneke nexĩ kehko omõtoh jamihmã ke, kurimene risẽ ke, metau risẽ ke roropa. Apatarykõ põkõ ewomahpyryme exĩko mã toto.”

Teuteronomiu 8:9

Moro nono po tonahsẽ enahpỹme exĩko mana, emero kyryry kurã enahpỹme roropa exĩko mana. Moroto kurimene nae topu tõ ao. Ypy tõ ao kopyre ahkãko matose (metaume).