Jenexi 39:4 - Ritonõpo Omiry: A Bíblia Sagrada na língua Aparai do Brasil

⁴ Potipaa zamaro Joze kynexine, naeroro takorehmaneme tyrise ynororo eya. Tytapyĩ eraseme te, tymõkomory emero eraseme roropa tyrise ynororo eya.

Jenexi 39:4 ပူးပေါင်းရင်းမြစ်များ

Jenexi 15:2

Aparã a tozuhse, ynara tykase: — Ritonõpo, Jesemy! Otyme kure onekarory kurã ya, tumũkue pyra ase. Erieze rokẽ ynamoto Tamaxiku pono, mokyro rokẽ mã ymõkomohpyry esẽme exĩko toorihse jahtao.

Jenexi 18:3

Ynara tykase ynororo: — Moehtou? Ajohpãme sã ehmaropa ytapyĩ taka oseremase pitiko.

Jenexi 19:19

Kure make ya seroae. Typynanohse ywy oya orihpyra jehtohme. Yrome moro ypy moe mana, eporehkara ro jahtao yyryhmatoh jetapãko nase.

Jenexi 24:2

Mame typoetory tykohmase tyya. Mokyro imõkomory eraseme kynexine emero porehme. Ynara tykase Aparão eya: — Oemary tyriko waxiry zopikoxi, Ritonõpo netaryme õmiry etapoko ya:

Jenexi 32:5

Pui tõ nae ase te, jumẽtu tomo te, kaneru tomo te, poti tomo te, ahno roropa ypoetory tõ nae orutua komo te, nohpo tomo, enara. Morara exiryke jomiry enehnanõ enyohno oya ourutohme osepeme kuehtohme.”

Jenexi 33:10

Yrome Jako otuhparo kynexine. Ynara tykase: — Ajohpãme sã, apoiko toto oekyme. Ynekaroryme mã toto tãkye jexiryke oẽmyty enery poko ya. Tonese ywy oya yrome yzehno pyra mase. Naeroro oẽmyty eneryke ya Ritonõpo ẽmyty enery samo typynanohse oya jexiryke.

Jenexi 33:8

Mame tõturupose Ezau: — Otara mokaro okyno tõ oximõme exiketomo, enẽ toto osema tao? Ynara tykase Jako: — Mokaro oya ynekarory tomo. Ynara tõsenetupuhse ywy. Mokaro ke ynekaroryme osepeme exĩko ropa ase urui maro.

Jenexi 39:8

— Arypyra, tykase ynororo eya. — Etako pahne. Torẽtyke pyra jesẽ mana tykyryry tõ poko, sero itapyĩ tao taro jexiryke. Tyrise ywy eya tykyryry emero eraseme, zae rokẽ erohtohme ikyryry tõ poko.

1 Tuisa 16:9

Toiro ipoetory tõ esẽ, Ziniri tãtamorepase tosẽ etapary poko. Era kyryry tõ kahu tõ zokonaka esẽme Ziniri kynexine. Morarame Tiriza po Era kynexine Arasa tapyĩ tao eukuru ẽnõko, etỹnõko. Tuisa tapyĩ konõto eraseme Arasa kynexine.

Exite 2:9

Mame Exite sehxo Hekai kynexine, enuru zamaro kynexine ynororo. Naeroro okynã pyra ise aehtoh tokarose eya aekurãkatoh tonomo, tonahsẽ kurã roropa. 7me nohpo tõ kurehxo exiketõ tokarose eya tuisa tapyĩ tae aomiry omipona toto ehtohme. Exite tysyryhmase Hekai a ipoetory 7mãkõ maro osa kurã taka nohpo tõ esao.

Porowepio 14:35

Tuisa tõ tãkye mã toto emese kure takorehmananõ ahtao, yrome azahkuru toehse toto ahtao, toto wãnohnõko mã toto.

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Porowepio 17:2

Ahno namoto tuaro exiketyme ahtao, tosẽ mũkuru tuisaryme exĩko mana, tumy tyhxirose ahtao eya; imõkomohpyry zokonaka apoĩko roropa mana imũkuru maro.

Porowepio 22:29

Kure rokẽ toerokuru poko exikety waro hma? Imehnõ tuhkãkõ motye kure ynororo mana, kure exiry tuisa konõto maro aerohtohme.

Porowepio 27:18

Wikeira zoko pyno exiko eperytatohme anapyryme; kure rokẽ oesẽ tyriko kure oepehmatohme roropa eya.

Porowepio 3:4

Morara awahtao Ritonõpo zamaro exĩko mase; ahno zamaro exĩko roropa mase.

Atos 20:28

Osepyno ehtoko. Jezu enetupuhnanõ roropa pyno ehtoko emero, toto esãme oexirykõke Ritonõpo Zuzenu poe. Mokaro mã topekahse Jezu a toorikyry ke.

Ruti 2:6

— Mokyro Moape pono. Moape poe aepyhpyry Noemi maro, tykase eya.

1 Samueu 16:22

Mame Sauu a Jese nenery tymerose: — Omũkuru yzamaro nase. Ah ymaro nexino, ypoetory tõ maro, tykase Sauu.

1 Samueu 2:26

Mame Samueu tuãtase rahkene. Emero ahno ise toehse nexiase, Ritonõpo roropa ise nexiase.