Jenexi 39:14 - Ritonõpo Omiry: A Bíblia Sagrada na língua Aparai do Brasil

¹⁴ typoetory tõ tykohmase tyya, ynara tykase ynororo eya xine: “Enetoko ke! Mokyro epereu, ynio nenepyhpyry tapyi taka, yna osanumary se mana. Jynyhtoh taka nomõno ypoko toehtohme repe, yrome kui tykase ywy opore.

Jenexi 39:14 ပူးပေါင်းရင်းမြစ်များ

Jenexi 10:21

Sem, Jape rui epereu tõ tamurume kynexine.

Jenexi 14:13

Yrome toiro orutua toepase. Toytose ynororo Aparã, epereu a zuruse emero. Aparã esary wewe kurã pũto kynexine, Mãre, amoreu esary pũto. Mãre tõ zakorõ tõ maro Exikou te, Anea maro Aparã epeme toh kynexine.

Jenexi 39:13

Moro eneryke nohpo a, toeparyme zupõ tynomose Joze a tomary ao,

Jenexi 39:15

Mame kui tykase jahtao toepase ynororo, tupõ rokẽ tynomose eya,” tykase ynororo.

Jenexi 39:17

Mame tooehse ropa inio ahtao turuse ynororo morararo ajohpe rokene. Joze tyhxirose eya, ynara tykase: “Mokyro opoetory epereu, onenepyhpyry tapyi taka, nomõno jynyhtoh taka ypoko ehtohme.

Jenexi 39:7

Morarame okynahtao Joze poko typenetapitose Potipaa pyty. Ynara tykase ynororo eya: — Jenaka osehko, tykase.

Jenexi 40:15

Tapoise ywy imehnomo a jesary po jahtao. Tonehse ywy xiaro Ejitu pona. Taro Ejitu po azahkuru exipitopyra exiase. Zae pyra nase juãnopyry sero ãpuruhpyry tao, tykase.

Saumu 120:3

Ajohpãkomo, oty rĩko Ritonõpo oya xine nae? Oty ke awãnohtorỹko nae?

Saumu 35:11

Popyra exiketõ ykerekeremãko mã toto; jyhxirõko mã toto popyra ehtoh poko ipoko pyra jahtao.

Saumu 55:3

Jerehnõko jepetõkara jenaroximaryhtao eya xine; yyryhmaryhtao popyra exiketomo a jakurihmõko mã toto. Popyra ehtoh enehpõko mã toto ypona; yzehno mã toto, yse pyra mã toto ipunaka.

Porowepio 10:18

Tõmiry ke ajohpe exikety imepỹ zehno toehtoh zonẽnõko mana; imehnõ omihtone tuaro exiketyme pyra mana.

Izaja 51:7

“Etatoko pahne zae ehtoh waro exiketomo, ãmorepatohkõ ya tukurãkase okurohtao xine mana! Enaromyra ehtoko ohtomarykohtao imehnomo a, opoihtorykohtao roropa eya xine penekehpyra ehtoko.

Izaja 54:17

yrome toto pyre owosaromepyra exĩko mã kehko, mame ihxironanõ ẽpataka tarose awahtao ohxironanõ poremãkãko mase. Ypoetory tõ ewomãko ase, orẽpyra toto rĩko ase tyehnotokõ poremãkapotohme.” Ywy Ritonõpo oturuno.

Ezekieu 22:5

Zae ehtoh poko pyra toehse oexirykõke ipunaka opoihtotorỹko mã toto, ourotorỹko mã toto ameke pyra exiketomo, amekehxo exiketomo, enara.

Mateu 26:59

Mame Jezu hxironanõ tupise juteu tõ tamuxiry tomo a, Ritonõpo maro oturuketõ tuisary tomo a roropa. Jezu etapapory se toh kynexine repe.

Mateu 5:11

— Tãkye ehtoko opoihtorykohtao imehnomo a, oryhmarykohtao roropa eya xine, onetãparykohtao roropa imehnomo a tãkye ehtoko ypoetoryme oexirykõke.

Ruka 23:2

Mame Jezu tyhxirose eya xine. Ynara tykase toto: — Mose yna ekyry enekunohnõko mana. Azahkuru toto amorepãko mana. Ynara nase: “Tineru onekaropyra ehtoko sero pata tamuru esemy a, Ĩperatu a,” nase mose ro, tykase toto ajohpe rokene. “Ritonõpo nymenekahpyryme ase, oesẽkõme ase,” nase roropa ynororo, tykase toto Pirato a.

2 Korĩtiu 6:8

Toitoine imehnõ yna rĩko kure. Yrome oty kara ynanase. Xihpyryme yna tyrise ahtao imehnomo a, oty kara roropa ynanase. Yna poihtoryhtao oty kara ynanase. Yna pyryparyhtao roropa oty kara ynanase. Onekunohtõkõme yna ekarõko imehnõ mã repe. Yrome zae rokẽ ynanase ipunaka.

1 Peturu 2:20

Oryhmarykohtao oesẽkomo a popyra oehtopõpyry epehpyryme otyme kure oetuarimarykõ eanahtory oya xine nae? Arypyra. Moro poko kurã onekaropyra ekurehnõko Ritonõpo mana. Yrome kure rokẽ awahtao xine, oryhmarykõ eanahtoryhtao oya xine, tãkye exĩko Ritonõpo opoko xine mana. Kure oritorỹko roropa mana, kure tyriryke oya xine.