Jenexi 38:24 - Ritonõpo Omiry: A Bíblia Sagrada na língua Aparai do Brasil

²⁴ Morotoino oseruao nuno taropose ahtao toytose imehnõ Juta zuruse: — Apary eny, Tamara poetoẽme mana. Otarame imeimehnõ orutua kõ mũkuru ẽme toehse ynororo, tykase toto. Ynara tykase Juta: — Mokyro nohpo enehko jarãnaka, jahkatohme!

Jenexi 38:24 ပူးပေါင်းရင်းမြစ်များ

Jenexi 20:3

Yrome koko tõsenepose Ritonõpo Apimereke a aosenety. Ynara tykase ynororo eya: — Oorikyry ke awãnohnõko ase, mokyro nohpo onenepyhpyry pokoino atapyĩ taka, imepỹ pytyme exiryke.

Jenexi 20:7

Seromaroro nohpo ekaroko ropa inio a. Morararo urutõme aexiryke oturũko ya mana opoko orihpyra oehtohme. Yrome nohpo onekaropyra ropa awahtao ourũko ase, orihnõko mase rahkene oekyry tõ maro.

Jenexi 20:9

Moromeĩpo Aparão tykohmase Apimereke a. Ynara tykase ynororo eya: — Oty myri yna a? Oty popyra yrino oya? Opokoino yna wãnohsasaka Ritonõpo toehse, iirypyryme ehtoh poko exisasaka toehse jexiryke. Moro sã tyriry popyra mana ipunaka.

Jenexi 34:31

Yrome tumykõ tozuhse eya xine: — Yna oryxiry onyriposaromepyra ynanexiase emero rokẽ poko aehtohme, tykase toto.

Jenexi 38:23

Mame ynara tykase Juta: — Ah ykyryry tõ imaro nexino. Morararo kykerekeremara imehnõ mana. Poti aropono eya repe, yrome nohpo onenepyra mexiase.

2 Samueu 12:5

Mame Tawi tyekĩtapãse Natã omiry etaryke tyya. Mokyro tymõkomoke exikety zehno toehse ynororo. Ynara tykase ynororo Natã a: — Ritonõpo netaryme ynara ãko ase: “Mokyro moro rihpono kure aorikyry.

2 Samueu 12:7

Mame ynara tykase Natã Tawi a: — Omoro mase mokyro. Ynara ãko Ritonõpo, Izyraeu esemy: “Kymenekase Izyraeu tuisaryme oehtohme. Kuewomase oetapara Sauu ehtohme.

Ekereziaxti 7:26

Ahno orihtoh motye popyra exikety enease: nohpo, apoitoh sã exikety. Opyno aexiry ahno apoitoh sã mana, tarãpa sã opyno mã ynororo repe; apory tõ keti sã omyhnõko mã toto. Ritonõpo zamaro exiketyme orutua ahtao epãko mana mokyro winoino. Yrome iirypyryme exikety epara ekurehnõko mana.

Jeremia 2:20

Ynara ãko Ritonõpo mana: “Izyraeu tomo, pake jomipona pyra toehse matose. Oesẽkõme turumekase ywy oya xine, jeahmary se pyra toehse matose. Mame ypy kae exiketõ po emero wewe tõ zopikoxi roropa, jerutume ahtao zae pyra toehse matose imeimehnõ toponãmasã eahmary poko oya xine.

Jeremia 3:1

Ynara tykase Ritonõpo: — Typyty turumekase ahtao orutua a, mame mokyro nohpo tyniotase ropa ahtao imepỹ maro, mokyro inio osemazupu pytasaromepyra ropa mana imaro. Morara riryhtao eya nuriame Izyraeu tõ nonory exĩko mana ipunaka. Yrome amarokomo, ypoetory tomo tuhkãkõ maro mexiatose, mame seromaroro ooepyrykõ se ropa matose ya! Ywy, Ritonõpo, oturũko ase.

Jeremia 3:6

Mame tuisame Joxia ahtao ynara tykase Ritonõpo ya: — Izyraeu nyrihpyry enẽko mah? Imeimehnõ poko exiketyme sã mã mokyro. Ypy tõ kae exiketõ emero pona tõnuhse ynororo imehnõ poko toehtohme, wewe tõ myhtokoxi roropa, emero, jerutume ahtao.

Jeremia 3:8

Juta tuaro roropa mana Izyraeu rumekatopõpyry poko ya, mokyro aropotopõpyry poko ya, turumekase jehtopõpyryke eya, imeimehnõ poko toehtohme. Yrome Juta, zakorony, zae pyra exiketyme, enaromyra nexiase. Imeimehnõ poko toehse ynororo roropa,

Ezekieu 16:15

— Yrome nohpo enekure oexiryke, osepeme tuhke toehse roropa oexiryke, emero rokẽ opoko se exiketõ maro toehse mexiase.

Ezekieu 16:25

Onyrityã toponãmasã eahmatoh tonõ tyrise oya osema tõ etyhpyry po emero. Nohpo enekurãme oehtoh tymyakãmase oya nuriame oehtoh ke, ikurepato ke aexikuromahpyry samo. Mosekaroase imeimehnomo a, okuroko ytoketomo a emero porehme, itamurumehxo oneponãmary toahmase oya roropa.

Ezekieu 16:26

Ejitu põkõ toahmase oya, zae pyra exiketomo, amaro toto ehtohme onyhtoh po, morara exiryke ozehno toehse ywy.

Ezekieu 16:28

— Morohne poko awahtao ro, axirio tõ tokahmase oya toto maro oehtohme. Mokaro poko mexiase yrome toto maro awahtao ro imehnõ maro se mexiase.

Ezekieu 16:41

Apoto ke atapyĩkõ zahkãko mã toto. Awãnohtoh enepõko mã toto imehnõ nohpo tomo a. Imeimehnõ orutua kõ poko pyra oripõko ase, imehnõ onepehmara oripõko ase amaro ehtohme.

Ezekieu 23:19

Yrome itamurumehxo imeimehnõ poko toehse ynororo poetome toehtopõpyry samo imehnõ maro toehpitoryhtao Ejitu nonory po.

Ezekieu 23:44

Tuhke rokẽ tooehzomose ropa toto imaro xine toehtohme. Oora maro Ooripa maro, imeimehnõ poko aexityã maro tooehse ropa toto.

Ezekieu 23:5

Mame ypytyme tahtao ro imehnõ maro exikehpyra Oora nexiase. Typenetase ynororo axirio tõ poko, tymaro se exiketomo.

Ozeja 2:5

Imeimehnõ poko tõsekarose ynororo, moro poko ehxiropyra nexiase. Ynara tykase: “Ypyno exiketõ ekahmãko ase, tonahsẽ ekaroryke eya xine ya eukuru roropa, upo te, kaneru hpoty risemy, mauru panõ risẽ roropa, azeite te, uwa eukuru jehnahpyry roropa, enara.”

Ozeja 3:3

Ynara tykase ywy eya: — Okynahxo jeraximãko mase. Morarame jeraximaryme imeimehnõ maro pyra exiko, osekaropyra exiko amaro se exikety a. Ywy roropa eraximãko ase amaro jehtohme imeĩpo.

Ozeja 4:15

— Izyraeu tomo a turumekase ywy, yrome toto poenopyry se pyra ase Juta tomo a, mokaro rypyry poko pyra toto ehtohme. Kiukau pona eahmatoh taka ytopyra ehtoko, Pete-Awẽ pona roropa, õmirykõ onetapopyra ehtoko ynara karyke: “Ritonõpo Kuesẽkõ netaryme, jũme isene Exikety.”

Rewitiku 20:10

— Imepỹ pyty poko toehse orutua ahtao totapasẽme exĩko mana, nohpo roropa totapasẽme exĩko mana.

Rewitiku 21:9

— Imeimehnõ poko toehse oturukety ẽxiry ahtao, tumy hxirõko mana; tuãnohsẽme exĩko mana, tyahkasẽme exĩko aorihtohme apoto ke.

Romanos 14:22

Emero rokẽ onyry kure oya xine ahtao moro poko epyrypara ehtoko. Moro poko osenetupuhtoko Ritonõpo neneryme rokene. Mame zae ehtoh waro awahtao xine zae rokẽ ehtoko. Zae ehtoh poko rokẽ awahtao xine, tãkye matose exĩko.

Teuteronomiu 24:16

— Jũkõ onetapara ehtoko popyra ipoenõ nyrihpyry pokoino. Ipoenõ onetapara ehtoko jũkõ nyrihpyry pokoino. Ahno tuãnohsẽme ro exĩko mana inyrihpyry pokoino rokene.

Juize 19:2

Yrome tõsezusezuhse ynororo tynio maro, mame toeramase ropa tumy tapyĩ taka ropa, Perẽ pona. Moroto tehme toehse ynororo, 4me nuno taropose eya.