Jenexi 38:23 - Ritonõpo Omiry: A Bíblia Sagrada na língua Aparai do Brasil

²³ Mame ynara tykase Juta: — Ah ykyryry tõ imaro nexino. Morararo kykerekeremara imehnõ mana. Poti aropono eya repe, yrome nohpo onenepyra mexiase.

Jenexi 38:23 ပူးပေါင်းရင်းမြစ်များ

Jenexi 38:22

Naeroro Hira toeramase ropa, ynara tykase ynororo Juta a: — Mokyro nohpo onenepyra tokurehse ywy. Morotõkõ orutua kõ ynara tykase ya: “Orutua kõ poko exikety pyra taro nase,” nykã toto.

Jenexi 38:24

Morotoino oseruao nuno taropose ahtao toytose imehnõ Juta zuruse: — Apary eny, Tamara poetoẽme mana. Otarame imeimehnõ orutua kõ mũkuru ẽme toehse ynororo, tykase toto. Ynara tykase Juta: — Mokyro nohpo enehko jarãnaka, jahkatohme!

2 Samueu 12:9

Oty katohme jomihpyry tyhtomase oya? Jomipona pyra toehse, oorypyry poko oexiryke. Uria heteu totapapose oya ipyty apoitohme, opytyme aehtohme. Totapapose ynororo oya amonita tomo a.

Porowepio 6:33

Ehxirõko mana, typipohsẽme exĩko mana; jũme “Putupyra exiketyme mokyro,” ekarõko mã toto ipoko.

Romanos 6:21

Morara exiryke otyme kure oya xine oorypyrykõ poko oehtopõpyrykõ nae? Arypyra. Oorypyrykõ poko oehtopõpyrykõ poko ehxirõko matose seromaroro. Tyyrypyry poko exiketõ toorihse ahtao, ameke rokẽ exĩko mã toto Ritonõpo a jũme, tyyrypyrykõ epehpyryme.

2 Korĩtiu 4:2

Imehnõ enekunopyry se pyra ynanase. Ajohpe imehnõ anamorepara ynanase Ritonõpo omiry poko. Aomiry onytyoromara ynanase. Zuaro yna exiryke, zae rokẽ toto amorepãko ynanase. Ritonõpo omipona se ynanase ipunaka. Ritonõpo neneryme, imehnõ neneryme roropa, zae yna ehtoh waro emero ehtohme.

Epezu 5:12

Tokare pyra mokaro tyyrypyrykõ poko ehtoh poko jotururu se pyra ase popyra ya exiryke.

Apokaripxi 16:15

“Etatoko pahne,” ãko Jezu kyya xine. “Jeraximara awahtao xine omato oepyry sã oehnõko ropa ase zuaro pyra awahtao xine. Tãkye exĩko matose tuaro awahtao xine, nyhpyra exikety sã awahtao xine, ãtakimahpyry sã awahtao xine. Morara awahtao xine tupokã sã ytoytõko matose, ehxiropyra roropa matose.”