Jenexi 37:5 - Ritonõpo Omiry: A Bíblia Sagrada na língua Aparai do Brasil

⁵ Mame tõsenehse Joze, tõsenehtopõpyry tokarose eya turui tomo a. Moro pokoino itamurumehxo takorõkõ zehno toehse toh kynexine.

Jenexi 37:5 ပူးပေါင်းရင်းမြစ်များ

Jenexi 20:3

Yrome koko tõsenepose Ritonõpo Apimereke a aosenety. Ynara tykase ynororo eya: — Oorikyry ke awãnohnõko ase, mokyro nohpo onenepyhpyry pokoino atapyĩ taka, imepỹ pytyme exiryke.

Jenexi 28:12

Mame tõsenehse ynororo. Opyi sã tonese eya aosenety nono poe kapu pona. Ritonõpo nenyohtyã tonese eya onuhnõko, yhtõko roropa eporo.

Jenexi 31:10

Morarame okyno tõ emũkuatoh po toehse ahtao tõsenehse ywy. Poti orutua kõ poti tõ poko exiketõ emero pitahpitahme toh nexiase.

Jenexi 31:11

Mame tykohmase ywy Ritonõpo nenyokyhpyry a jesety ae. “Taro ase,” ase eya.

Jenexi 37:4

Tumũkuru Joze pynohxo Jako ehtoh tonese irui tomo a, naeroro takorõkõ zumoxike toehse toto. Zehno toexirykõke xihpyryme tõturuse toto, imaro aotururuhtao.

Jenexi 37:6

Ynara tykase exiryke eya xine: — Etatoko pahne, josenehtopõpyry poko ourutorỹko ase.

Jenexi 37:8

Mame tõturupose irui tomo: — Oty kary moro? Yna tuisaryme exĩko mah? Õmiry omipona exĩko ynanae? Takorõkõ zehnohxo toehse toh kynexine aosenehtopõpyry pokoino, epyrypakety sã aexiry poko roropa tõsenehtopõpyry ekaroryhtao eya.

Jenexi 40:5

Mame moroto ãpuruhpyry tao, koko tõsenehse eukuru rihpono, morararo wyi rihpono roropa tõsenehse. “Oty kary se hnae josenety?” tykase toto tyya xine rokene.

Jenexi 41:1

Morarame asakoro ikonopory taropose ahtao tõsenehse Ejitu tuisary. Aosenety xikihme sã kynexine tuna Niro ehpio.

Jenexi 42:9

Wenikehpyra kynexine Joze tõsenehtopõpyry poko toto poko. Ynara tykase ynororo eya xine: — Yna epekara matose. Yna enese moehtou, jamihme pyra yna ehtoh waro oehtohkõme.

Jenexi 49:23

Epetõkara iiryhmãko mã toto zehnotokõ samo. Typyre ke ekahmãko mã toto, taky tõ pyrou tõ maro.

1 Tuisa 3:5

Mame moro ikohmamyry ae tõsenepose sã Ritonõpo Saromão a aosenety. Ynara tykase sã ynororo eya: — Oty se hma ya ekarotohme oya? tykase.

Saumu 25:14

Ritonõpo Kuesẽkõ, osepeme mana Tosẽkõme enetupuhnanõ maro. Toto amorepãko mana tõmihpyry poko, tynyripohpyry poko eya xine.

Tanieu 2:1

Morarame asakoro jeimamyry taropose ahtao Napukotonozo a tuisame toexiry poko, Papironia esẽme toehtoh poko, tõsenehse ynororo koko. Torẽtyke toehse ynororo tõsenehtopõpyry poko, nyhsaromepyra toehse.

Tanieu 4:5

Yrome koko tõsenehse ywy, moro pokoino torẽtyke toehse ywy. Tõserehse sã ywy josenehtopõpyry poko.

Joeu 2:28

Ynara tykase Ritonõpo typoetory tomo a: “Moromeĩpo Juzenu enehpõko ase opona xine, emero porehme: omũkurukõ Jomiry ekarõko mã toto, oẽxirykõ roropa. Tamuhpomãkõ osenehnõko mã toto, nuasemãkõ Ritonõpo nenepotoh enẽko mã toto.

Amoxi 3:7

Tynyriry onyripyra Ritonõpo mana moro onenepopyra ahtao typoetory tomo a, urutõ komo a.

Numeru 12:6

ynara tykase Ritonõpo: — Seromaroro, etatoko ke jotururu oya xine. Urutõ tõ nae ahtao arãnao xine osenepõko ase eya xine enepotoh ae te, oturũko ase roropa toto maro aosenetykõ ae.

João 17:14

Onekarohpyry ekaroase eya xine. Morara exiryke mã toto zehno jenetupuhpynomo, tysã xine pyra toto exiryke, ysã toehse toto exiryke.