Jenexi 37:3 - Ritonõpo Omiry: A Bíblia Sagrada na língua Aparai do Brasil

³ Tamuhpõme Jako kynexine tonuruse Joze ahtao. Naeroro ipynohxo kynexine irui tõ pyno ehtoh motye. Upo kurã tyripose Jako a Joze zupõme, upo mosano, apory mosano sỹsỹkamã potu.

Jenexi 37:3 ပူးပေါင်းရင်းမြစ်များ

Jenexi 37:23

Toeporehkase Joze ahtao turui tomo a, zupõ mosã tyxihkase eya xine, apory mosa exikety.

Jenexi 37:31

Mame poti totapase eya xine. Munu tyrise eya xine Joze zuponỹpyry pokona munuhpe ehtohme.

Jenexi 37:32

Moromeĩpo zuponỹpyry sỹsỹkamã potu tarose Jako a. Ynara tykase toto eya: — Sero upo tonese yna a. Omũkuru zuponỹpyry otarame nae?

2 Samueu 13:18

Naeroro ipoetory a Tamara taropose ropa moro tae. Mame omõtoh tapuruse eya. Upo kurã ke tupoke Tamara nexiase, mosa roropa zupõ nexiase, tuisa ẽxiry zupõ ke tupoke nexiase, orutua poko exipitopyra ro ahtao.

Ezekieu 16:16

Oupõ kurã tyrise oya toponãmasã eahmatoh emeporyme te; moroto emero rokẽ poko toehse mexiase, topehke imehnõ poko exikety samo.

João 3:35

Jumy Tumũkuru pyno ipunaka. Morara exiryke emero tokarose eya, emero esẽme aehtohme.

Juize 5:30

“Otarame mõkomo apiakãko mã toto, tynapoityã apiakãko: Otarame nohpo tõ roropa tapoise, toiro otarame asakoro soutatu tõ punero. Upo kurã roropa tapoise Xisera a tupõme. Kamisa kure exikety tapoise eya tuisa pyty a ekarotohme. Ipymyry pokona tyritohme.”