Jenexi 37:27 - Ritonõpo Omiry: A Bíblia Sagrada na língua Aparai do Brasil

²⁷ Sekarotone mose mokaro Iximaeu tomo a parata apoitohme kyya xine. Morarame kuakorõkõ onetapara sehtone kuakorõkõme ro exiryke. Atae toehse toto Juta maro.

Jenexi 37:27 ပူးပေါင်းရင်းမြစ်များ

Jenexi 29:14

Mame ynara tykase Rapão: — Aõ! Ajohpe pyra. Wekyry nymyry mase, tykase Rapão eya. Toiro nuno taropose ahtao Jako a tory tapyĩ tao,

Jenexi 37:22

Sero eutary aka mokyro tyritoko, yrome onyryhmara ehtoko. Morara tykase Rupẽ, takorõ ewomary se toexiryke aropotohme ropa tumy a.

Jenexi 42:21

Oseya rokẽ ynara tykase toto: — Ajohpe pyra. Etuarimãko sytatose seromaroro, kynyrihpyrykõ poko kuakorõkõ poko. Aetuarimary tonese kyya xine, taosanumase kyya xine, aomiry onetapỹ sã toehse kymarokomo. Morara exiryke etuarimãko sytatose seromaroro.

Jenexi 50:20

Ajohpe pyra, mosenetuputyatose josanumatoh poko repe. Yrome moro popyra ehtoh tymyakãmase Ritonõpo a kure ehtoh ke. Moro enẽko matose seromaroro. Tuhkãkõ typynanohse Ritonõpo a orihpyra toto ehtohme.

2 Samueu 12:9

Oty katohme jomihpyry tyhtomase oya? Jomipona pyra toehse, oorypyry poko oexiryke. Uria heteu totapapose oya ipyty apoitohme, opytyme aehtohme. Totapapose ynororo oya amonita tomo a.

Neemia 5:5

Oxisã ynanase imehnõ juteu tõ maro repe. Yna poenõ kure roropa mã toto, mokaro poenõ sã repe. Yrome yna poenõ irohmanohpõko ynanase topehke pyra. Toitoine yna ẽxiry tõ tokamose yna a tineru poko, imehnõ namotome. Otupĩko ynanase yna tupi tõ tupuxihkase exiryke yna wino yna narykahpyry uwa tõ roropa.

Neemia 5:8

Ynara tykase ywy: — Tineru nae kuahtao xine kuekyrykõ topekahse kyya xine imehnõ ahno wino, toto namotome toehse toto ahtao. Yrome seromaroro oekyry tõ tyripõko matose osekarotohme anamotome toto ehtohme, tykase ywy. Yrome jezuhpyra tamuximãkomo, mynyhme rokẽ toh nexiase.

Exutu 21:16

— Imepỹ tapoise ahtao ekamotohme tineru poko te, tynamotome tyritohme mokyro taorihmaposẽme exĩko.

Mateu 16:26

Otara ãko matou senohne emero omõkomorykõme toehse ahtao oorikyrykõ ke rokẽ epehmatohme? Arypyra, toiparo rokẽ morohne esẽme exĩko matose, oorikyrykõ ke epehmãko matose. Onykenãpara roropa ekurehnõko matose. Morararo orihpyra oehtohkõ onepehmara mã omõkomorykomo. Otinerũkõ roropa ipune pyra mana, tykase Jezu eya xine.

Mateu 26:15

Ynara tykase ynororo toto a: — Otãto tineru pixo ekarõko matou ya Jezu ekaroryhtao oya xine? tykase ynororo. Morara kary etaryke tyya xine tineru tokarose eya. 30me tineru tokarose eya.

1 Timoteu 1:10

Imehnõ nohpo poko exiketomo, imehnõ orutua poko exiketõ roropa, imehnõ orutua kõ rokẽ oximaro exiketomo, tynekamorykõme ahno apoinanomo, ajohpãkomo, ajohpe imehnõ hxironanomo, emero Ritonõpo namorepatopõpyry omipona pyra exiketomo. Mokaro popyra exiketomo. Mokaro zupokatohme Moeze nymerohpyry tymeropose Ritonõpo a.

Apokaripxi 18:13

Kanera tõkehko onepekahpyra mã toto, tonahsẽ emepory tõkehko, typoxine zahsemy azawaimo, ixtaratu panono, ixtaratu, eukuru, oriu, pou risemy te, tiriiku puhturu roropa; pui tõkehko, kaneru tomo te, kawaru tomo, kahu tõkehko, namoto tõ roropa. Morohne nae toh nexiase tokamosẽme repe. Yrome epekahnanõ pyra toehse.

1 Samueu 18:17

Morarame ynara tykase Sauu Tawi a: — Mose, Merape, jẽxiry apitorymano. Mose ekarõko ase oya opytyme. Oty se rokẽ hano oya? Ypoetoryme rokẽ oexiry se ase, soutatume, orẽpyra exiketyme, Ritonõpo Kuesẽkõ omipona exiketyme osetaparyhtao, tykase Sauu. Tõsenetupuhse Sauu tukurohtao rokene: “Kure ya pirixteu tomo a Tawi etapary. Morara ahtao onetapara ase, totapase eya xine exiryke.”