Jenexi 37:24 - Ritonõpo Omiry: A Bíblia Sagrada na língua Aparai do Brasil

²⁴ Moromeĩpo takorõkõ tapoise eya xine, tõmase ynororo eya xine oramãka. Moro ao tuna pyra kynexine, tonore rokẽ zao.

Jenexi 37:24 ပူးပေါင်းရင်းမြစ်များ

Jenexi 37:23

Toeporehkase Joze ahtao turui tomo a, zupõ mosã tyxihkase eya xine, apory mosa exikety.

Jenexi 37:25

Mame typorohse toto tõtuhtohkõme. Tõtukurukohtao tõsenuhmase toto. Iximaeu tõ tonese eya xine ytoketomo. Kireate poe toehse toto, Ejitu pona ytõko toh kynexine. Mõkomo arõko kameru tõ kynexine, ixtaratu te, kanera tõkehko.

Jenexi 42:21

Oseya rokẽ ynara tykase toto: — Ajohpe pyra. Etuarimãko sytatose seromaroro, kynyrihpyrykõ poko kuakorõkõ poko. Aetuarimary tonese kyya xine, taosanumase kyya xine, aomiry onetapỹ sã toehse kymarokomo. Morara exiryke etuarimãko sytatose seromaroro.

Saumu 35:7

Ahno apoitoh tyrise exiryke eya xine japoitohme zae rokẽ jahtao eya xine; eutary tahkase eya xine japoitohme.

Saumu 40:2

Janymyase oramã xihpyry ae, ikurepato tahxikurẽ poe, purapuramã orihmatõ poe. Topu jamihmã pona jaroase, jewomatohme.

Saumu 88:6

Tõmase ywy oya aorihtyã ekepyry esaka, mya eutary aka, xinukutumã aka.

Saumu 88:8

Turumekapose ywy oya jepe tomo a, nuriame exiketyme jenẽko mã toto. Ãpuruhpyry tao exiketyme sã ase, epasaromepyra ase.

Jeremia 38:6

Mame tapoise ywy eya xine, tõmase ywy eya xine tuisa mũkuru, Maukia pẽkamã aka, tapyi konõto erase tõ zarã rãnao. Eary tõ ke tonyhtose ywy moro aka. Tuna pyra nexiase, ikurepato rokene; moro aka tyhtose ywy.

Ramẽtasão 4:20

Isene yna ehtoh tapoise eya xine, Ritonõpo nymenekahpyry yna tuisaryme. Mokyro ynanenetuputyase yna ewomaneme, yna onyryhmara yna epetõkara ehtohme.

Zakaria 9:11

Ritonõpo ynara ãko mana: “Jerusarẽ põkomo, jomihpyry etapoase oya xine, opynanopyrykõ topehmase munu ke. Morara exiryke oekyry tõ anỹnõko ase toto apoihpõkõ winoino, tanỹsẽme exĩko mã toto eutary winoino, namotome oehtopõpyrykõ poe.