Jenexi 32:5 - Ritonõpo Omiry: A Bíblia Sagrada na língua Aparai do Brasil

⁵ Pui tõ nae ase te, jumẽtu tomo te, kaneru tomo te, poti tomo te, ahno roropa ypoetory tõ nae orutua komo te, nohpo tomo, enara. Morara exiryke jomiry enehnanõ enyohno oya ourutohme osepeme kuehtohme.”

Jenexi 32:5 ပူးပေါင်းရင်းမြစ်များ

Jenexi 30:43

Morara exiryke tymõkomoke itamurume toehse Jako te, tuhke kaneru tomo te, poti tõ maro te, tuhke ipoetory tomo, orutua komo te, nohpo tõ maro te, kameru tomo te, jumẽtu tomo, enara.

Jenexi 31:16

Imõkomohpyry, Ritonõpo napoihpyry yna mõkomoryme toehse yna poenõ mõkomoryme roropa. Naeroro tyriko kẽty emero Ritonõpo nyripohpyry oya, tykase toto eya.

Jenexi 31:3

Mame ynara tykase Ritonõpo Jako a: — Ytoko ropa omy tõ nonory pona oekyry tomo a ropa. Amaro ase exĩko.

Jenexi 33:11

Ajohpãme sã ynenepyhpyry apoiko ynekarory oya. Kure rokẽ tyrise ywy Ritonõpo a. Emero ise jehtoh tokarose ya, tykase ynororo. Otuhparo Jako exiryke inekarohpyry tapoise Ezau a.

Jenexi 33:15

Mame ynara tykase Ezau: — Morara ahtao ah ypoetory tõ amaro nytõ toto, ãkorehmatohme, tykase Ezau. Yrome Jako a tozuhse: — Takorehmanekõ se nymyry pyra mã toto. Toiro se rokẽ ase oya. Osepeme se rokẽ ase amaro, tuisa.

Jenexi 33:8

Mame tõturupose Ezau: — Otara mokaro okyno tõ oximõme exiketomo, enẽ toto osema tao? Ynara tykase Jako: — Mokaro oya ynekarory tomo. Ynara tõsenetupuhse ywy. Mokaro ke ynekaroryme osepeme exĩko ropa ase urui maro.

Jenexi 47:25

Ynara tykase toto eya: — Tuisa, kure mexiase yna a. Yna typynanohse oya orihpyra yna ehtohme. Tuisa poetoryme ynanase rahkene.

2 Samueu 16:4

Mame tuisa Tawi ynara tykase Zipa a: — Mepiposete kyryrỹpyry emero esẽme orĩko ase, tykase. Ynara tykase Zipa: — Opoetoryme ase, tuisa imehxo mase, jesemy, zae ehtoh riry se rokẽ ase, jũme rokẽ azamaro jehtohme!

Jo 6:22

Omõkomory onekaropopyra exiase oya xine. ‘Onekaroryme uuru ekaroko ya!’ kapitopyra ase oya xine.

Ruka 12:45

Yrome ynara karyhtao tyya rokene: “Jesẽ mã okynã oehpopyra mana,” karyhtao tyya rokene, mame ipoetory tõ htomãko mana orutua komo, nohpo tomo, enara toto htomãko mana. Mame otuhnõko mã ynororo eukuru ẽnõko. Etỹnõko roropa mana.

Ruti 2:2

Mame ynara tykase Ruti tymerenotỹpyry a: — Ytoxi tupito tõ pona otytyko anỹse, nono pona aohpahtyamo. Otarame erohkety enẽko ase omomỹke pyra exikety. Mokyro mykapo ytõko ase sewata puhturu anỹse nono poe. — Ỹ, ytoko, tykase Noemi, imerenotỹpyry eya.

1 Samueu 1:18

Morara tykase Eri exiryke tãkye toehse Ana: — Kure mase, tykase ynororo. — Kure rokẽ kueneko zae ehtoh poko se rokẽ jexiryke, tykase. Mame toytose ropa ynororo. Tõtuhse ropa te, toemynyhmakehse roropa ynororo.