Jenexi 32:29 - Ritonõpo Omiry: A Bíblia Sagrada na língua Aparai do Brasil

²⁹ — Kuruko, onoky oesety? tykase Jako. — Oty katoh jesety poko ekaropõko mah? tykase ynororo. Mame kure rokẽ tyripose ynororo eya.

Jenexi 32:29 ပူးပေါင်းရင်းမြစ်များ

Jenexi 17:5

Taroino oesety Aparãome exĩko, Aparã kara, tuhkãkõ tamurume oriryke ya.

Jenexi 35:10

Ynara tykase ynororo eya: — Oesety Jakome mana, yrome oesety myakamãko ase; taroino Jakome pyra mase, Izyraeume oesehpãko ase. Naeroro tosehpase ynororo Ritonõpo a Izyraeume.

Jenexi 35:9

Moromeĩpo toehse ropa Jako ahtao Mesopotamia poe, tõsenepose ropa Ritonõpo eya. Kure tyripose roropa ynororo eya.

1 Tuisa 18:31

Mame 12me topu tõ tapoise eya, toiro topu, toiro Jako mũkuru kyryryme, 12me imũkuru tõ exiryke 12me oxiekyrymãkõme toehse. Jũkõ esety tymyakãmase Ritonõpo a Izyraeume.

2 Tuisa 17:34

Morararo mã toto seroae ro. Ritonõpo oneahmara mã toto, aomihpyry omipona pyra roropa mã toto. Tõmihpyry tokarose eya Jako pakomotyamo a, tosehpase ropa eya Izyraeume.

1 Koronika 1:34

Izake, Aparão mũkuru asakoro tumũkue kynexine: Ezau te, Jako, enara.

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Porowepio 30:4

Onoky nae tuaro exiketyme kapu ehtoh poko emero? Onoky nae tyryrykane apoihpono tomary ke? Onoky nae tuna ãtyhtõko kamisa ke? Onoky nae sero nono ehpiry tõ meroneme? Mokyro esety waro hma? Imũkuru esety waro roropa hma? Kaxiko zuaro awahtao.

Izaja 9:6

Poeto tonuruse, mokyro tonehpose Ritonõpo a, kutuisarykõme exĩko mana. Ynara tosehpasẽme exĩko mana: Kuamorepanekõ Kurano te, Ritonõpo Jamihmehxo Exikety te, Papa jũme Exiketyme te, Tuisame Exikety Kukurãkanekõme, enara.

Ozeja 6:1

Ynara ãko Izyraeu tõ mana: — Ehmaropa emero Ritonõpo a ropa, Kuesẽkomo a. Tapurose sexiatose eya, yrome kukurãkatorỹko ropa mana. Tuãnohse sexiatose eya repe, yrome kyyrypyrykõ korokãko ropa mana.

Numeru 20:14

Morarame pata Kate poe, tõmiry aronanõ tonyohse Moeze a Etõ tuisary a ynara katohme: — Sero omi oekyry tõ poe mana, Izyraeu tõ poe. Zuaro mase yna etuarimatopõpyry poko emero.

Ruka 1:19

Mame ynara tykase Ritonõpo nenyokyhpyry Zakaria a: — Ywy ase Kapirieu, Ritonõpo ẽpataka exikihmakety. Eya tonyohse ywy ourutohme, tõmiry kurã ekarotohme oya repe.

Teuteronomiu 29:29

— Imepỹ tuaro ehtoh waro pyra sytatose, tokare pyra aexityã Ritonõpo Kuesẽkomo a. Yrome sero inekarohpyryme mana kyya xine, aomihpyry inyripohpyry kyya xine, kypoenõkomo a, kypakomotyãkomo a roropa, jũme mana aomiry omipona exikehpyra kuehtohkõme.