Jenexi 32:28 - Ritonõpo Omiry: A Bíblia Sagrada na língua Aparai do Brasil

²⁸ — Taroino tyoro oesehpãko ase, Jakome pyra, tykase ynororo. Tãtatapoise oexiryke Ritonõpo maro te, ahno maro roropa, orẽpyra mexino. Naeroro oesety Izyraeume exĩko mana.

Jenexi 32:28 ပူးပေါင်းရင်းမြစ်များ

Jenexi 17:15

Moromeĩpo ynara tykase Ritonõpo Aparão a: — Taroino opyty esety Saraime pyra mana. Sarame esehpãko ase.

Jenexi 17:5

Taroino oesety Aparãome exĩko, Aparã kara, tuhkãkõ tamurume oriryke ya.

Jenexi 25:31

— Ỹ, seny ekarõko ase oya, yrome imehxo oehtoh ekaroko ya, osemazupume oexiryke, tykase.

Jenexi 31:24

Moro kohmamyry ae tõsenepose Ritonõpo Rapão a, arameume exikety. Ynara tykase ynororo eya: — Tomeseke exiko! Apatũ onyenonohpyra ke exiko. Zae rokẽ exiko imaro.

Jenexi 32:24

Yrome ynororo rokẽ tõxinomose toiroro. Mame orutua tooehse eya. Tãtatapoise imaro ẽmepyry pona.

Jenexi 32:27

Mame tõturupose eya: — Onoky oesety? tykase. — Ywy ase Jako, tykase ynororo.

Jenexi 33:20

Moroto apoto apõ tyrise eya, ipoko tymerose Ritonõpo esety, Izyraeu tõ Esemy.

Jenexi 33:4

Yrome tururume toytose Ezau oseporyse Jako maro. Atapory ae tãtapoise toto tõseahmatohkõme. Takorõ typohse roropa eya. Tyxitase toto asakoro ro.

Jenexi 35:10

Ynara tykase ynororo eya: — Oesety Jakome mana, yrome oesety myakamãko ase; taroino Jakome pyra mase, Izyraeume oesehpãko ase. Naeroro tosehpase ynororo Ritonõpo a Izyraeume.

2 Samueu 12:25

Naeroro Natã tonehpose eya esehpatohme Jetitia me, ipynohxo Ritonõpo exiryke.

1 Tuisa 18:31

Mame 12me topu tõ tapoise eya, toiro topu, toiro Jako mũkuru kyryryme, 12me imũkuru tõ exiryke 12me oxiekyrymãkõme toehse. Jũkõ esety tymyakãmase Ritonõpo a Izyraeume.

2 Tuisa 17:34

Morararo mã toto seroae ro. Ritonõpo oneahmara mã toto, aomihpyry omipona pyra roropa mã toto. Tõmihpyry tokarose eya Jako pakomotyamo a, tosehpase ropa eya Izyraeume.

1 Koronika 1:34

Izake, Aparão mũkuru asakoro tumũkue kynexine: Ezau te, Jako, enara.

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Izaja 43:1

Yrome seromaroro Ritonõpo, Orihpono, ynara ãko Izyraeu a: “Enaromyra exiko, opynanohnõko ase; kykohmase oesety ae, ypoetoryme mase.

Izaja 65:15

Ywy, Ritonõpo, oorihmapotorỹko ase, yrome ypoetory tõ, ynymenekatyã oesetykõ ke rokẽ popyra ehtoh enehpõko mã toto. Yrome esety kasenato ke ypoetory tõ esehpãko ase.

Numeru 13:16

Moro sã mokaro orutua kõ esety nexiase. Mokaro tonyohse Moeze a nono enetohme. Ozeja, Num mũkuru esety tymyakãmase eya Jozueme.

João 1:42

Morarame Ximão tarose zakorony a Jezu enese. Mame Ximão eneryhtao ynara tykase Jezu eya: — Ximão mase, João mũkuru. Tyoro oesehpãko ase, Peturume, tykase Jezu eya. (“Peturu” kary “topu” kary.)

Apokaripxi 2:17

Typanare awahtao xine Juzenu nekarory ypoetory tomo a omipona ehtoko. Tyyrypyrykõ poremãkaponanomo a tonahsẽ ekarõko ase. Tokare pyra moro ekarõko ase oya xine, pake ynekarohpyry sã kapu ae, Izyraeu tõ napyryme. Topu karimutumã ekarõko ase roropa oya xine, tymerose oesetykõ esehpasenã ke. Imehnõ oesetykõ waro pyra mã toto. Esẽ rokẽ tosety waro exĩko mana.”

1 Samueu 26:25

Mame ynara tykase Sauu Tawi a: — Kure oripory se ase, aimo. Mame onyriry emero kure rokẽ mã exĩko, orẽpyra exĩko mase roropa, tykase Sauu Tawi a. Mame Tawi toytose ropa; Sauu roropa toytose ropa tytapyĩ taka.