Jenexi 32:22 - Ritonõpo Omiry: A Bíblia Sagrada na língua Aparai do Brasil

²² Moro kohmamyry ae ro towõse ropa Jako, iporiry Japoke akuohtohme. Tymaro typyxiã asakoro tarose eya, ipoetory tõ typyxiãme aexityã maro, toto mũkuru tõ 11mãkõ maro.

Jenexi 32:22 ပူးပေါင်းရင်းမြစ်များ

Jenexi 29:21

Morarame 7me jeimamyry taropose ahtao, ynara tykase Jako Rapão a: — Ypyty se ase rahkene 7me jeimamyry taropose ya exiryke, tykase ynororo.

Jenexi 32:21

Moro sã toky tõ tonyohse Jako a osemazuhme, tõmehse ynororo moroto tosary po.

Jenexi 32:23

Mame moro iporiry takuohse ahtao ahno a emero, toky tõ emero taropose eya tymõkomory maro.

Jenexi 35:18

Yrome orihnõko Rakeu kynexine. Orihsasaka ahtao ynara tykase: — Mose esehpãko ase Penonime, tykase. Yrome jumy a tosehpase ynororo Pẽjamĩme.

Teuteronomiu 2:37

Amonita tõ nonory pona omõpyra sexiatose, pata tõ roropa tuna Japoke ehpikuroko te, pata tõ roropa ypy tõ nonory po, imehnõ pata tõ roropa omõpyra sexiatose, morohne taka kuẽmapopyra xine Ritonõpo exiryke.

Teuteronomiu 3:16

Rupẽ tomo a, Kate tomo a roropa nono ekaroase Kireate poe ikurenae, jakanahmã tuna Aranõ pona; ehpiome toehse moro tuna rãnakuroko. Inikahpozakoxi inonorykõ tuna Japoke ehpikoxi, amonita tõ nonory ehpiome.

1 Timoteu 5:8

Imepỹ tyekyry pyno pyra ahtao typoenõ nymyry pyno pyra ahtao Ritonõpo omipona pyra mana. Onenetupuhpỹ motye popyra mana tuaro toexiryke repe yrome aomipona pyra mana.

Jozue 12:2

Apitoryme Seõ kynexine, amoreu tõ tuisary, Hexipõ pono. Inonory kynexine Aroea poe, jakanahmã Aranõ ehpikoxi, moro poe tuna Japoke pona, Amõ esary ehpikoxi. Inonory kynexine Kireate zokonaka roropa.

Juize 11:13

Ynara tykase amonita tõ tuisary: — Izyraeu tõ tooehse ahtao Ejitu poe ynonory tapoise eya xine tuna Aranõ poe tuna Japoke pona, tuna Joatão pona roropa. Seromaroro etonary se pyra awahtao ynonory ekaroko ropa yna a, tykase.