Jenexi 31:14 - Ritonõpo Omiry: A Bíblia Sagrada na língua Aparai do Brasil

¹⁴ Mame ynara tykase Rakeu tõ eya, Reia maro: — Papa mõkomory tonahse, tokarosẽ pyra toehse yna a.

Jenexi 31:14 ပူးပေါင်းရင်းမြစ်များ

Jenexi 2:24

Morara exiryke orutua kõ tumy rumekãko, tyse rumekãko roropa mã toto typyty maro rokẽ toehtohme. Mokaro asakoro toiro pũme exĩko mã toto.

Jenexi 29:24

Ipoetory Ziupa tokarose Rapão a, Reia a ipoetoryme ehtohme.

Jenexi 29:29

(Ipoetory Pira tokarose Rapão a Rakeu maro ehtohme ipoetoryme).

Jenexi 31:13

Ywy ase Ritonõpo, osenepoase oya Peteu po awahtao. Moroto topu tanỹse oya xikihme. Oriu tukuãse oya moro topu pona onekaroryme ya, õmiry metapoase ya. Seromaroro atakimako sero nonory poe oytotohme ropa oenurutopõpyry pona ropa.”

Jenexi 31:15

Katonõme sã toehse ynanase eya. Yna tokamose eya tineru poko. Mame moro tineru tonahkase eya emero porehme.

Ruti 4:11

— Ỹ, enenanõme ynanase, tykase toto emero. Ynara tykase tamuximãkomo Poaze a: — Mokyro nohpo ripory se ynanase Ritonõpo a tuhke aemũkuatohme, Rakeu ehtopõpyry samo, Reia ehtopõpyry sã roropa. Tuhke toemũkuase toto Jako poenõme. Morara ahtao imoihmãkõ notyme toehse roropa mã toto, Izyraeu tõ notyme. Tymõkomoke exiketyme orẽpyra roropa oripory se ynanase Ritonõpo a, Perẽ-Epyrata po!