Jenexi 31:11 - Ritonõpo Omiry: A Bíblia Sagrada na língua Aparai do Brasil

¹¹ Mame tykohmase ywy Ritonõpo nenyokyhpyry a jesety ae. “Taro ase,” ase eya.

Jenexi 31:11 ပူးပေါင်းရင်းမြစ်များ

Jenexi 18:1

Morarame tõsenepose Ritonõpo Aparão a wewe kurã zopino, pata Mãre po. Moroto xixi jetũ ahtao Aparão typorohse tytapyĩ pota tao.

Jenexi 18:17

Mame ynara tykase Ritonõpo tyya rokene: “Josenetupuhtoh ononẽpyra ase Aparão wino. Ynyriry poko zurũko ase.

Jenexi 22:1

Morarame Aparão tukuhse Ritonõpo a. Esety ae tykohmase ynororo: — Aparão! tykase eya. — Taro ase, tykase ynororo.

Jenexi 22:11

Yrome kapu ae tõmitase Ritonõpo nenyokyhpyry: — Aparão! Aparão! — Taro ase, tykase ynororo.

Jenexi 22:15

Morarame Aparão tykohmase ropa Ritonõpo nenyokyhpyry a kaino.

Jenexi 31:10

Morarame okyno tõ emũkuatoh po toehse ahtao tõsenehse ywy. Poti orutua kõ poti tõ poko exiketõ emero pitahpitahme toh nexiase.

Jenexi 31:13

Ywy ase Ritonõpo, osenepoase oya Peteu po awahtao. Moroto topu tanỹse oya xikihme. Oriu tukuãse oya moro topu pona onekaroryme ya, õmiry metapoase ya. Seromaroro atakimako sero nonory poe oytotohme ropa oenurutopõpyry pona ropa.”

Jenexi 31:24

Moro kohmamyry ae tõsenepose Ritonõpo Rapão a, arameume exikety. Ynara tykase ynororo eya: — Tomeseke exiko! Apatũ onyenonohpyra ke exiko. Zae rokẽ exiko imaro.

Jenexi 31:5

Ynara tykase ynororo eya xine: — Omy osepeme hkopyra toehse ymaro pake apitoryme toehtopõpyry sã pyra. Moro enẽko ywy. Yrome Ritonõpo, papa Esẽ, ymaro toehse mana.

Jenexi 37:5

Mame tõsenehse Joze, tõsenehtopõpyry tokarose eya turui tomo a. Moro pokoino itamurumehxo takorõkõ zehno toehse toh kynexine.

Jenexi 46:2

Morarame moro koko tao tõsenepose Ritonõpo eya, tõturuse ynororo eya, ynara tykase: — Jako, Jako! — Taro ase, tykase ynororo.

Exutu 3:4

Morarame enese toytose Moeze. Ameke pyra toehse ynororo ahtao taomirose Ritonõpo a pika wino. Ynara tykase ynororo: — Moeze! Moeze! — Taro ase, tykase Moeze.

Izaja 58:9

Õtururukohtao ya oezuhtorỹko ase. Ykohmaryhtao oya xine: ‘Taro ase!’ ãko ase. “Mame sam kamexipopyra awahtao xine imehnomo a, imehnõ onenaroximara roropa awahtao xine, omi xihpyry poko pyra roropa awahtao xine;

Numeru 12:6

ynara tykase Ritonõpo: — Seromaroro, etatoko ke jotururu oya xine. Urutõ tõ nae ahtao arãnao xine osenepõko ase eya xine enepotoh ae te, oturũko ase roropa toto maro aosenetykõ ae.

Mateu 27:19

Morarame kowenatu apiakatoh tao typorohse Pirato ahtao pape taropose ipyty a ineneryme: — Mokyro onyryhmapopyra exiko kurãme aexiryke. Ipoko osenehse jẽmehno, tykase ynororo tynio a.

1 Samueu 3:16

Yrome Eri a Samueu tykohmase tõturupotohme. Ynara tykase ynororo:

1 Samueu 3:4

Mame tykohmase Ritonõpo a: — Samueu, Samueu, tykase. — Tãse, tykase, Samueu a tozuhse.

1 Samueu 3:6

Morarame tykohmase ropa Ritonõpo a: — Aimo, Samueu, tykase Ritonõpo. Mame towõse ropa Samueu. Toytose Eri nyhtoh taka ropa. Ynara tykase: — Kykohmano. Taro ase. Oty se hma? tykase ynororo Eri a. Yrome tozuhse ropa Eri a: — Okohmara akene, tykase Eri. — Onyhta, tykase Samueu a.

1 Samueu 3:8

Mame oseruao ehtoh po tykohmase ropa Samueu Ritonõpo a: — Aimo, Samueu, tykase ropa Ritonõpo. Mame towõse ropa Samueu. Toytose ropa ynororo Eri nyhtoh taka. — Kykohmã tokoh ro? tykase ynororo, tõturupose Eri a. Mame tonetupuhse Eri Ritonõpo omiry poko, Samueu kohmãko Ritonõpo nexiase.