Jenexi 30:14 - Ritonõpo Omiry: A Bíblia Sagrada na língua Aparai do Brasil

¹⁴ Morarame tiriiku apoitoh toehse ahtao tupito pona toytose Rupẽ. Moroto otyro, mãtarakora tõ tonese eya, mame tarose eya tyse, Reia a. Morohne tonese ahtao Rakeu a tokaropose typaxiry a: — Ajohpãme sã morohne mãtarakora ekaroko ya, omũkuru nenepyhpyry.

Jenexi 30:14 ပူးပေါင်းရင်းမြစ်များ

Jenexi 25:30

Ynara tykase ynororo: — Orihnõko ase omise jexiryke. Kynahpako pixo onyrihpyry kamiraramã ke. (Naeroro Etõme Ezau tosehpase eya xine.)

Jenexi 30:15

Ynara tykase Reia: — Epo pyra hnae oya ywino ynio apoiry oya? Seromaroro umũkuru nekarohpyry ya mãtarakora tõ apoiry se roropa hma? tykase. Ynara tykase Rakeu: — Morohne omũkuru mãtarakora tõ ekaroryhtao ya ynio ekarõko ase oya imaro oẽmehtohme, tykase.

Jenexi 30:16

Mame kokonie pukuro tooehse Jako ahtao tupito poe, tõseporyse Reia imaro. Ynara tykase ynororo eya: — Seroae ẽmehnõko mase ymaro, jakorõ topehmase ya exiryke umũkuru nenepyhpyry ke, mãtarakora tõ ke, tykase. Mame typyty Reia maro toehse Jako. Ipoko toehse ynororo.

Kãtiku 7:13

Mãtarakora tõ typoxine mana. Imepỹ epery tõ emero nae kytapyĩ omõtoh tao. Ypyno exikety, epery tõ tukurãkase ya anapyryme, emero rokẽ epery exisenã tomo, asarahtyã roropa.