Jenexi 3:24 - Ritonõpo Omiry: A Bíblia Sagrada na língua Aparai do Brasil

²⁴ Morotoino orutua taropose Ritonõpo a. Mame osema tao xixi tũtatoh wino kerupĩ tõ tyrise eya typyreke, tytapemake apoto sã exikety ke. Eraseme toto ehtohme mokaro tyrise omõpyra ropa ahno ehtohme, moro wewe, jũme isene tyripotoh pũtokoxi.

Jenexi 3:24 ပူးပေါင်းရင်းမြစ်များ

Jenexi 3:23

Naeroro Etẽ poe, tupito kurã poe orutua tonyohse Ritonõpo a ipyty maro osa menekatohme eya itu htao tutupime, nono poko aerohtohme, nono risẽme aexiryke.

Jenexi 4:1

Morarame typyty Ewa maro toehse Atão, poetoẽme toehse ipyty. Mame toemũkuase orutuame, ynara tykase ynororo: — Takorehmase Ritonõpo a jexiryke toemũkuase ywy, tykase. Tumũkuru tosehpase eya Kaĩme.

Jenexi 4:14

Seroae jysyryhmapõko mase jesary poe, owinoino. Tosake pyra exiketyme jehtohme ytoytõko rokẽ ase sero nono poro. Imehnõ kurũke epãko ase otonẽnõko. Tonese jahtao imepyny a jetapary se exĩko mana.

Saumu 104:4

Tyryrykane tõ rĩko mase onenyohtyãme, nenenehkane tõ õmipona exiketõme tyrĩko mase.

Saumu 80:1

Yna omiry etako, kaneru esẽ sã Izyraeu tõ Esemy! Yna otururu etako, oeky tõ aroneme sã mase yna Aroneme! Omoro mase typorohse Tuisa Imehxo Exikety apõ po, moroto kae kerupĩ tõ epoe,

Saumu 99:1

Ritonõpo Kuesẽkõ tuisame mana: ahno tõ tykytyky ãko mã toto. Typorohse mã ynororo tapõ po tuisamehxo kerupĩ tõ epoe; sero nono tykytyky ãko mana.

Exutu 25:2

— Izyraeu tõ zuruko tynekarory tõ enehtohme ya. Toto nekarotyã apoiko emero ekarory se aehtohkomo.

Ezekieu 10:1

Mame osenuhmase amerehmã enease, mokaro kerupĩ tõ epozakoxi. Mokaro epoe tuisa apõ sã enease, topu kurã, sapira risẽ samo.

Ezekieu 31:11

Morara exiryke, moro wewe turumekase ya, iporemãkapõko ase imepỹ nonory tuisary a. Moro wewe rĩko mana inyrihpyry popyra ehtoh emetakame samo.

Numeru 22:23

Mokyro, Ritonõpo nenyokyhpyry tomahpõke, tapema ke nexiase. Mokyro eneryhtao jumẽtu a osema turumekase eya, tãtapiakase ona pona toytotohme. Naeroro toky typipohse Paraão a aeramatohme ropa tosemataka.

João 14:6

Ynara tykase Jezu eya: — Ywy ase oesemarykõme nymyry Ritonõpo a. Ywyhnao ytopyra matose Papa a. Ywy ase zae oriponekõme nymyry. Jenetuputyryhtao oya xine ajoajohpe pyra exĩko matose. Oẽsemãkaponekõme roropa ase. Jenetuputyryhtao oya xine orihpỹme exĩko matose.

Epereu 1:7

Yrome ynara tykase tynenyohtyã poko: “Tyryrykane sã ynenyohtyã rĩko ase axĩ toto ytotohme. Apoto sã roropa ynamoto tõ ripõko ase orẽpyra toto ehtohme,” tykase.

Jozue 5:13

Jeriko pũto Jozue kynexine. Mõtoino rokẽ orutua tonese eya xikihme tõpataka, tapema ke tomahpõke. Eya toytose Jozue, tõturupose eya, ynara tykase: — Yna maro mahno? yna epetõkara maro?

1 Samueu 4:4

Mame orutua kõ taropose eya xine Xiro pona Ritonõpo omihpyry ẽ enehtohme, Ritonõpo maro Oturutoh tae. Moro kaxo po Ritonõpo Imehxo Exikety apõ enetupuhtoh nexiase asakoro taporihke rãnao. Mame Eri poenõ Hopini, Pineia maro tooehse kaxo enehnanõ maro.