Jenexi 3:19 - Ritonõpo Omiry: A Bíblia Sagrada na língua Aparai do Brasil

¹⁹ Yronymyryme erohnõko mase, enãkutãko roropa mase otupi poko tỹkyryneke oehtohme, oorikyry ponãmero. Mame nonome exĩko ropa mase. Nono apuhsẽme oexiryke nonome exĩko ropa mase toorihse awahtao, tykase.

Jenexi 3:19 ပူးပေါင်းရင်းမြစ်များ

Jenexi 18:27

Mame Aparão ynara tykase ropa: — Ajohpãme sã yzehno pyra exiko jomiry poko. Omoro mase Ritonõpo, ywy ase ahnome rokene.

Jenexi 2:7

Morarame nono tapoise Ritonõpo a ahnome apuhtohme. Tynyrihpyry tounapũmase eya isene aehtohme, moro sã ahno toehse isene exiketyme.

Jenexi 23:4

Ynara tykase ynororo eya xine: — Katonõme ase ononorykõ po. Naeroro oya xine osa pitiko epekatyry se ase ypyty ekepyry zonẽtohme, tykase Aparão.

Jenexi 3:18

Ãtaryka ahtanohpõko ase, omoxino tõkehko. Mame tykyrysã enahnõko roropa mase.

Jenexi 5:5

Mame toorihse ynororo 930me jeimamyry taropose ahtao.

Jo 1:21

Mame ynara tykase ynororo: — Tupoke pyra tonuruse ywy, tymõkomoke pyra roropa. Morararo tymõkomoke pyra orihnõko ase. Ritonõpo a morohne tokarose ya. Eya tapoise ropa ahtao, kure rokẽ Ritonõpo mana, tykase Jo.

Jo 10:9

Wenikehpyra exiko orino risẽme kyriase; ikurepatome jyrĩko ropa mahno?

Jo 19:26

Ypihpyry tonahkase ahtao ro tyrohsẽ ke, ynara zuaro ase: sero joko ao Ritonõpo enẽko ase.

Jo 21:26

Yrome oxisã etyhpyryme orihnõko mã toto. Tonẽse toto ahtao oxisã tyõtosẽme exĩko mã toto moromoro tõ maro.

Jo 34:15

moro toehse ahtao ahno emero orihnõko oximõme, nonome exĩko ropa mã toto.

Jo 4:19

Morararo kymarokomo, nono risẽme exiketomo, amonohnõko sytatose. Takurihmosẽme exĩko sytatose, nuko samo. Morohne enetupuhnõko Ritonõpo mana.

Saumu 103:14

Ynara exiryke, kynyrihpyrykõ waro mana; nonome kuehtohkõ poko wenikehpyra mã ynororo.

Saumu 104:23

Mame ahno ytõko mã toto erohse, toerokurukõ poko kohmãnõko mã toto.

Saumu 104:29

Toto winoino oeramaryhtao oserehnõko mã toto; toto oserematoh tupuxihkase ropa oya ahtao orihnõko mã toto, nonome exĩko ropa nono risẽme toexirykõke.

Saumu 127:2

Toiparo rokẽ itamurumehxo toerokuru poko epehpyry apoiry poko; pakeimo owõnõko mase, ataxikãko tykohmãse ahtao. Ynara exiryke, tonahsã ekarõko Ritonõpo mana typyno aexityamo a inykyrykohtao ro.

Saumu 22:15

Jesenary tonore nase, putokane samo. Unuru tõsexihse sã nase ỹtary pokona. Kynomoase aorikyhpyry samo, nono po.

Saumu 22:29

Tymõkomoke exiketõ tosekumuru po porohnõko mã toto oẽpataka. Sero nono põkõ emero tosekumuru po porohnõko mã toto oẽpataka. Orihketõme mã toto.

Saumu 90:3

Ahno a ynara ãko mase: “Eramatoko ropa, nonome ropa oehtohkõme, oehtopõpyry sã apitoryme,” ãko mase. Opoe nonome exĩko ropa mã toto.

Porowepio 21:16

Tuaro ehtoh rumekaryhtao oya osema ae ytõko mase oorihtoh pona.

Ekereziaxti 1:13

Jatamorepary se toehse ywy emero riry poko sero nono po. Tyrohmanohpose sytatose Ritonõpo a kuetuarimatohkõme.

Ekereziaxti 1:3

Erohnõko sytatose orẽpyra samo, tamuhpõme kuehtohkõ pona, oty apoitohme kuerohtohkõ tamitukõ nahe?

Ekereziaxti 12:7

Mame kuekepyrykõ nonome exĩko ropa mana nono risẽme exiryke, kuzenukõ ytõko ropa mana Ritonõpo a tokarose eya exiryke kyya xine.

Ekereziaxti 3:20

Ahno, onokyro sã, toorihse ahtao nonome exĩko ropa mana. Nono poe tyrise toto. Nonome exĩko ropa mã toto.

Ekereziaxti 5:15

Sero nono rumekãko sytatose kuenurutopõpyrykõ samo, arypyra kuemarykõ ao. Toerohse kuahtao xine ro yronymyryme mõkomo anarosaromepyra sytatose toorihse kuahtao xine.

Tanieu 12:2

Aorihtyã tuhke isene exĩko ropa mã toto: tuhkãkõ jũme orihpyra ropa ehtohme, imehnõ tuãnohsẽme exĩko mã toto jũme etuarimatoh tao.

1 Korĩtiu 15:47

Osemazuhme Atão zoko nono ke tyrise Ritonõpo a. Yrome Atão myakãme, Jezu Kyrixtu tyhtose kapu ae.

Epezu 4:28

Imepỹ mõkomory tomatonanohse oya xine ahtao onematonanohzomopyra ehtoko. Erohtoko tineru apoitohme oya xine, oerohtamitukõme, õkyryrykõ epekahtohme oya xine, tymõkomokãkara akorehmatohme roropa oya xine.

1 Tesaronika 2:9

Wekyry tomo, ỹme ynanexiase yna erohtoh poko. Wenikehpyra ro hmatou yna erohtopõpyry poko serãtu ritopõpyry poko yna a. Saereme, koko ynanerokuase õkyryrykõ enahpyra ehtohme, Ritonõpo nekarohpyry Jezu Kyrixtu ãmoreparykohtao yna a.

2 Tesaronika 3:10

Amaro xine yna ahtao ynara ynanase oya xine, toerokuru se pyra exikety anautuhmanohpopyra ehtoko, onykohmara roropa ehtoko, ynanase.

Epereu 9:27

Toipe sytatose. Emero porehme orihnõko sytatose toiro. Moromeĩpo kuapiakatorỹko Ritonõpo mana.