Jenexi 27:39 - Ritonõpo Omiry: A Bíblia Sagrada na língua Aparai do Brasil

³⁹ Naeroro ynara tykase Izake: — Ameke nono kurã poe osesarĩko mase. Ameke roropa konopo wino exĩko mase.

Jenexi 27:39 ပူးပေါင်းရင်းမြစ်များ

Jenexi 27:27

Tumy typohse ahtao Jako a zupõ typohse Izake a, Ezau zupony. Mame kure rokẽ Jako tyripose eya. Ynara tykase ynororo: — Aimo, typoxine mase, umũkuru mase jaraõ tupito sã mase, onahpoty typoxine ehtoh samo, kure tyripose ahtao Ritonõpo a.

Jenexi 27:28

Kure rokẽ oripory se ase Ritonõpo a. Konopo enehpory se ase otupi tõ pona tynahke oehtohme itamurume, tiriiku itamurume, eukuru roropa.

Jenexi 33:9

Ynara tykase Ezau: — Ymõkomory ipune nase ya, aimo. Omõkomory ikurãkako omõkomoryme.

Teuteronomiu 33:13

Joze tõ poko ynara tykase ynororo: “Kure rokẽ Joze nonory tyriko, Ritonõpo, konopo itamurume enehpoko, tuna enatyry tõ ekaroko roropa eya xine nono ao!

Teuteronomiu 33:28

Mame Izyraeu tõ towomasẽme exĩko mã toto tosarykõ po. Osepeme exĩko mã toto tynonorykõ po. Moroto tiriiku ahtãko, uwa eukuru exĩko, axitaku nono ehxikãko mana.

Epereu 11:20

Mame Ritonõpo enetuputyryke Izake a, ynara tykase ynororo Jako tomo a Ezau maro: “Kure oritorỹko Ritonõpo mana imeĩpo,” tykase tumũkuru tomo a.

Jozue 24:4

Izake a Jako tõ ekaroase Ezau maro. Ezau a osa ekaroase esaryme, ypy tõ nonory Seia te, yrome Jako tõ tyhtose Ejitu pona tumũkuru tõ maro.