Jenexi 27:27 - Ritonõpo Omiry: A Bíblia Sagrada na língua Aparai do Brasil

²⁷ Tumy typohse ahtao Jako a zupõ typohse Izake a, Ezau zupony. Mame kure rokẽ Jako tyripose eya. Ynara tykase ynororo: — Aimo, typoxine mase, umũkuru mase jaraõ tupito sã mase, onahpoty typoxine ehtoh samo, kure tyripose ahtao Ritonõpo a.

Jenexi 27:27 ပူးပေါင်းရင်းမြစ်များ

Jenexi 26:12

Morarame moro jeimamyry ae otyro tarykase Izake a, mame otyro tapoise eya itamurume, 100me inarykahpyry motye tapoise eya, kure rokẽ tyrise ynororo Ritonõpo a exiryke.

Jenexi 27:15

Mame Ezau zupõ kurã tapoise jeny a, tapyi tao ikurãkahpyry Jako a amurutohme.

Jenexi 27:26

Mame ynara tykase ynororo: — Osehko, aimo, kueahmakose.

Jenexi 27:39

Naeroro ynara tykase Izake: — Ameke nono kurã poe osesarĩko mase. Ameke roropa konopo wino exĩko mase.

Jenexi 48:10

Tamuhpõme Jako toehse exiryke jamihme pyra enuru toehse kynexine. Popyrahme sã tõsenuhmase ynororo. Tumũkuru tõ tarose Joze a eya. Toahmase toto Jako a. Typohse toto eya.

Jenexi 48:15

Morarame kure rokẽ Joze tyripose eya Ritonõpo a. Ynara tykase ynororo: “Ritonõpo, tam Aparão Esemy, papa Izake Esẽ roropa, kure rokẽ moxiã aimo tõ tyriko. Jesemary eneponeme mase, Ritonõpo, moe poetome jehtopõpyry poe tarona tamuhpõme jehtoh pona ro.

Saumu 65:10

Konopo enehpõko mase itamurume tupito tõ pona, nono ahkahpyry pona. Moro nono tohxikase ahtao tũpore pyra exĩko. Otyro ahtanohpõko mase.

Kãtiku 2:13

Fiku tõ epery exipitõko mana, uwa zoko tõ roropa eperytapitõko mana, typoxine mã kehko. Owõko kuku, ỹpynu, oryxime exikety, eropa ty!

Teuteronomiu 33:13

Joze tõ poko ynara tykase ynororo: “Kure rokẽ Joze nonory tyriko, Ritonõpo, konopo itamurume enehpoko, tuna enatyry tõ ekaroko roropa eya xine nono ao!

Epereu 11:20

Mame Ritonõpo enetuputyryke Izake a, ynara tykase ynororo Jako tomo a Ezau maro: “Kure oritorỹko Ritonõpo mana imeĩpo,” tykase tumũkuru tomo a.

Epereu 6:7

Otupikõ poko osenetupuhtoko. Konopome ahtao anarykatyãkõ ahtãko mana. Eperytãko mana. Otyro zamaro nono ahtao tãkye exĩko matose. Morararo Ritonõpo, tãkye roropa mana tutupi kurã eneryke tyya.