Jenexi 26:8 - Ritonõpo Omiry: A Bíblia Sagrada na língua Aparai do Brasil

⁸ Moroto Izake ehse rahkene okynahxo. Mame tytapyĩ tae, osenuhmatoh ae Izake tonese tuisa Apimereke a. Typyty Repeka eahmãko Izake kynexine.

Jenexi 26:8 ပူးပေါင်းရင်းမြစ်များ

Jenexi 26:7

Mame morotõkõ tõturupose ahtao ipyty poko, toryxiryme tyrise eya. Oryxime Repeka kynexine. Enaromỹke Izake kynexine typytyme Repeka ekarory poko. Ynara tõsenetupuhse ynororo: Otarame jetapãko tarõkõ mana ypyty apoitohme tyya xine imaro toehtohkõme, tykase ynororo tyya rokene.

Jenexi 26:9

Mame Izake tykohmapose Apimereke a ekaropotohme eya. Ynara tykase ynororo eya: — Opytyme mokyro nae? Ajohpe pyra hnae? Oty katoh “Woryxiry mose ro,” mase opyty poko? tykase ynororo Izake a. — Imehnomo a jetaparyino, mokyro poko ypyty mose ro, kara exiase, tykase Izake.

Porowepio 7:6

Pake hkopyra osenuhmãko exiase osenuhmatoh ae ytapyĩ tao,

Ekereziaxti 9:9

Isene ro awahtao sero nono po oseahmatoko opyty maro ipyno oexiryke, toiparo rokẽ ehtoh nae ro ahtao, moro rokẽ apoĩko mase oepehpyryme oerohtamitume.

Kãtiku 2:9

Ypyno exikety kapau sã mana, kapau mũkuru samo. Mose apuru moino ypyno exikety mana, jarao osenuhmãko tapyi taka osenuhmatoh ae. Tera kuroko jenẽko mana,

Izaja 62:5

Nuasemã tynymenekahpyry maro erẽnary samo, moro sã mã Orihpõkõ amaro xine pytãko mana. Tãkye erẽnakety sã typyty maro, moro sã mã Ritonõpo atãkyemãko opoko xine.

Juize 5:28

Xisera eny tõsenuhmase, osenuhmatoh ae, tytapyĩ tae, Okynahxo tõsenuhmase, kamisa moino, osenuhmatoh ae, ynara tykase: “Oty katoh okynahxo oehpyra hnae ikanary?” “Oty katoh eky tõ kawaru, axĩ pyra oehnõko nae?”