Jenexi 25:32 - Ritonõpo Omiry: A Bíblia Sagrada na língua Aparai do Brasil

³² — Kure, omorohko, tykase Ezau. — Orihnõko ase jemiryke; Otyme kure imehxo jehtopõpyry nae, osemazuhme jenurutopõpyry nah, toorihse jahtao? Arypyra ipunaka.

Jenexi 25:32 ပူးပေါင်းရင်းမြစ်များ

Jenexi 25:31

— Ỹ, seny ekarõko ase oya, yrome imehxo oehtoh ekaroko ya, osemazupume oexiryke, tykase.

Jenexi 25:33

— Ahtao, jũme rokẽ õmiry etapoko ya: “Ime jehtoh ekarõko ase jakorony a imehxo aehtohme,” kaxiko, tykase. Tõmiry totapose Ezau a takorony a. Naeroro ime toehtoh tokarose Ezau a imehxo Jako ehtohme.

Jenexi 27:36

Ynara tykase Ezau: — Ỹ sero maro asakoro tonekunohse ywy eya. Zae tosehpase ynororo Jakome. Apitoryme ime jehtoh tapoise eya osemazuhme jenurutopõpyry. Seromaroro kure jyripotoh tomatonanohse eya. Papa, kure jyripotoh akoĩpyry onukurãkara make, toiro rokehxo jyripotohme roropa?

Jo 21:15

Onoky mokyro, Ritonõpo Jamihmehxo Exikety, eahmapotohme yna a? Otyme kure yna otururu eya?’

Jo 22:17

Ynara tykase toto Ritonõpo a: ‘Yna inomoko torẽtyke pyra!’ Ynara tykase roropa: ‘Oty rĩko Ritonõpo Jamihmehxo Exikety nae kypoko xine?’

Jo 34:9

Ynara ãko roropa mana: ‘Toiparo rokẽ mana Ritonõpo zamaro ehtoh kukuruhtao kyya xine.’

Exutu 22:9

— Pui esẽme toehse ahtao te, jumẽtu te, kaneru te, upo te mõkomo tõkehko, mame imepỹ tooehse ahtao, “Sero esẽme ase,” karyhtao. Mokaro arotoko Ritonõpo eahmatoh taka. Mokyro zae pyra tykase Ritonõpo ahtao, epehmãko mana asakoro, esemy a.

Marakia 3:14

Ynara ãko matose: “Toiparo rokẽ Ritonõpo omipona sytatose, ipoetoryme. Otyme kure Ritonõpo Jamihmehxo Exikety omipona sytatou? Otyme kure aorihtyã hnamonanõ zupõ amurũko sytatou kyyrypyrykõ rumekary se kuehtohkõ enepotohme?