Jenexi 25:3 - Ritonõpo Omiry: A Bíblia Sagrada na língua Aparai do Brasil

³ Jokosã toemũkuase asakoro: Sepa te, Tetã, enara. Tetã pakomotyã ynara kynexine: asureu tomo te, retuseu tomo te, remueu tomo, enara.

Jenexi 25:3 ပူးပေါင်းရင်းမြစ်များ

Jenexi 25:2

Toemũkuase ynororo 6me: Zinirã te, Jokosã te, Metã te, Mitiã te, Ixipake te, Sua, enara.

Jenexi 25:4

Mitiã toemũkuase: Epame te, Epeame te, Enokeme te, Apitame te, Eretame, enara. Mokaro emero Ketura pakomotyãme toh kynexine.

2 Samueu 2:9

Moroto tuisame Ixiposete tyrise Apinea a, Kireate nonory esẽme te, Asea maro te, Jezereu roropa te, Eparaĩ maro te, Pẽjamĩ roropa te, Izyraeu tõ emero esẽme ehtohme.

1 Tuisa 10:1

Mame Saromão imehxo ehtoh ekary poko totase Sapa tuisary nohpo a. Naeroro toytose ynororo Jerusarẽ pona ikuhse, tupimã ke ekaropotohme eya.

Jo 6:19

Mokaro oehketomo Tema poe, Sapa poe roropa, moro iporiry tõ zupĩko tõkurukõme repe.

Saumu 72:10

Expania tuisary tõ, ahmõta tõ tuisary roropa tynekarorykõ enehnõko mã toto eya, mokaro roropa Arapia tuisary te, Etiopia tuisary roropa tynekarorykõ enehnõko mã toto eya.

Izaja 21:13

Sero omi ekarotohme mana Arapia põkõ netaryme: Epaketomo Tetã poe otonẽnõko mã toto ona tonorẽ po Arapia po.

Izaja 60:6

Mitiã nonory poe, Epa poe roropa ahno oehnõko toky tõ, kameru tõ tuhkãkõ maro; imehnõ oehnõko roropa Sapa nonory poe ixtaratu tõkehko uuru roropa enehnõko mã toto. Mokaro emero omi kurã Ritonõpo Imehxo Exikety nyrityã ekarõko mã toto.

Jeremia 49:8

Tetã põkomo, eramatoko, tururume ytotoko! Otonẽtoko! Ezau pakomotyã enahkapõko ase, toto wãnohtoh toehse exiryke.

Ezekieu 25:13

Seromaroro Etõ põkõ wãnohtoh poko ourutorỹko ase: ahno etapãko ase emero porehme okyno tõ maro. Totapasẽme exĩko mã toto etonatoh po, Etõ nonory ripõko ase patãpome, pata Temã poe Tetã pona.

Ezekieu 27:15

Rote põkõ tõsepekahse amaro. Omõkomory topekahse tuhke nonory tuna konõto ehpio põkomo a maafim ke te, wewe epano ke, enara.

Ezekieu 27:20

Tetã põkomo a kawaru ãty tõ tonehse omõkomory emetakame.

Ezekieu 27:6

Wewe karawario tonehse Pasã poe apukuita tõ ritohme, azarã tõ tyrise pinijo ke Xipere poe, emepory tyrise wewe pokona maafim maro.