Jenexi 25:23 - Ritonõpo Omiry: A Bíblia Sagrada na língua Aparai do Brasil

²³ mame ynara tykase Ritonõpo eya: “Awakuru ao opoenõ kamaramãkõ ahno tamurume exĩko mã toto. Emũkuãko mase kamarame, oxise pyra exĩko mã toto. Toiro omũkuru orẽpyra exĩko mana. Osemazupuru poremãkapõko akomihpyry mana,” tykase Ritonõpo eya.

Jenexi 25:23 ပူးပေါင်းရင်းမြစ်များ

Jenexi 17:16

Kure rokẽ opyty rĩko ase. Tumũkue orĩko ase, opyty Sara mũkurume. Kure rokẽ mose rĩko ase, tuhkãkõ ẽme exĩko mana imehnõ ahno tõ ẽme, tuisa tõ ẽme roropa.

Jenexi 17:4

— Jomiry etapõko ase oya: Ajohpe pyra, ahno imoihmãkõ tamurume orĩko ase, tuhke tyotyorõkõ tamurume exĩko mase.

Jenexi 24:60

Kure rokẽ Repeka tyripose eya xine Ritonõpo a. Ynara tykase toto: — Omoro, yna oryxiry, tuhkãkõ ẽme oripory se ynanase Ritonõpo a tuhke miujãome exiketõ ẽme. Apakomotyã orẽpyra tyripory se ynanase eya tyzehnotokõ patary tõ poremãkatohme eya xine, tykase toto.

Jenexi 25:24

Morarame toemũkuase Repeka ahtao kamarame imũkuru tõ tonuruse.

Jenexi 25:27

Mame tuãtase toto aimo tomo. Emese kure toehse Ezau urakanaketyme. Torẽnase ynororo toytory poko ona poro. Mãpyra Jako tyoro, tehme kynexine tapyi tao.

Jenexi 27:29

Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Jenexi 27:33

Aomiry etaryke tõserehse Izake. Tykytyky tykapitose itamurume, ynara tykase ynororo: — Onoky koh, joh enehno osemazuhme? Otuhno seromaroro oehpyra ro awahtao. Mokyro kure rokẽ yripono Ritonõpo a. Kure mokyro rĩko Ritonõpo mana.

Jenexi 27:37

Ynara tykase Izake: — Jako tyripose ya otuisaryme. Jekyry tõ emero tyripose ya inamotome. Itamurume tiriiku, eukuru roropa ekaropõ eya. Seromaroro kure oriposaromepyra ase, aimo, tykase Izake.

Jenexi 27:40

Atatapoĩko mase imehnõ maro osewomatohme, isene oehtohme. Ãkorõ poetoryme exĩko mase. Morararo typenekehse awahtao ãkorõ namotome oehtoh rumekãko mase.

Jenexi 32:6

Tooehse ropa aomihpyry aronanomo. Ynara tykase toto: — Orui, Ezau maro ynanexiase. Oehnõko mana oeporyse. 400me orutua kõ maro oehnõko mana.

Jenexi 33:3

Imeĩpo mokaro kuroko toytose Jako osemazuhme ehtohme. Tosekumuru po typorohse ynororo tõmyty po nono pokoxi. 7me moro sã typorohse ynororo Ezau ẽpataka oseporytohme turui maro.

Jenexi 36:31

Ynara tuisa tõ kynexine Etõ nonory põkõ esamo. Atakenaka tuisame toh kynexine tuisa pyra Izyraeu tõ ahtao ro:

Jenexi 48:19

Moro sã se pyra Jako kynexine. Ynara tykase ynororo: — Zuaro ase, aimo. Zuaro ase. Manase pakomotyã tuhkãkõme exĩko roropa. Yrome zakorõ tuisamehxo exĩko mana, ipakomotyã tuhkehxo exĩko, tuhke imoihmãkõme exĩko mana.

2 Samueu 8:14

Mame ãpuruhpyry tõ jamihme exiketõ tyripose Tawi a Etõ po, typoetoryme etomita tõ ehtohme. Orẽpyra Tawi tyrise Ritonõpo a emero pata tõ pona aytoryhtao.

1 Tuisa 22:47

Imeimehnõ poko exiketõ tonahkase eya, orutua komo te, nohpo tõ roropa tyneponãmarykõ eahmatoh tao. Tõxinamase toh kynexine jumy, Asa ehtopõpyry poe.

1 Koronika 18:13

Mame ãpuruhpyry tõ jamihme exiketõ soutatu esarymã tyrise eya Etõ tõ nonory po porehme tuisa Tawi poetoryme toto ehtohme. Mame orẽpyra Tawi tyrise Ritonõpo a emero pata tõ po.

Opatia 1:21

Ritonõpo poetory tõ orẽpyra exĩko, onuhnõko mã toto ypy Xião pona. Moro poe Etõ tõ esẽme exĩko mã toto. Mame Ritonõpo Tuisa Konõtome exĩko mana.

Numeru 20:14

Morarame pata Kate poe, tõmiry aronanõ tonyohse Moeze a Etõ tuisary a ynara katohme: — Sero omi oekyry tõ poe mana, Izyraeu tõ poe. Zuaro mase yna etuarimatopõpyry poko emero.

Teuteronomiu 2:4

Mame ynara tykase Ritonõpo ya, Izyraeu tõ zurutohme: “Etõ tõ nonory kuroko ytõko matose. Oekyrykõme mã toto, Ezau pakomotyamo. Ouno xine exĩko mã toto. Yrome tomeseke ehtoko

Teuteronomiu 2:8

— Morarame Etõ nonory ehpikuroko toytose kuahtao xine sytoatose osema poe, Erate esemary Eziõ-Kepea maro tuna konõto Aorikyhpyry pona, imepỹ osema ae ona tonorẽ Moape pona.

1 Samueu 17:14

Yrome Tawi nexiase akomihpyrykomo. Irui tõ oseruao jũme Sauu maro toh nexiase,