Jenexi 24:61 - Ritonõpo Omiry: A Bíblia Sagrada na língua Aparai do Brasil

⁶¹ Mame Repeka tõ typoetory maro, tãtakimase toto. Tõtyrise ynaroro kameru tõ pona. Aparão poetory maro toytose toto.

Jenexi 24:61 ပူးပေါင်းရင်းမြစ်များ

Jenexi 2:24

Morara exiryke orutua kõ tumy rumekãko, tyse rumekãko roropa mã toto typyty maro rokẽ toehtohme. Mokaro asakoro toiro pũme exĩko mã toto.

Jenexi 24:60

Kure rokẽ Repeka tyripose eya xine Ritonõpo a. Ynara tykase toto: — Omoro, yna oryxiry, tuhkãkõ ẽme oripory se ynanase Ritonõpo a tuhke miujãome exiketõ ẽme. Apakomotyã orẽpyra tyripory se ynanase eya tyzehnotokõ patary tõ poremãkatohme eya xine, tykase toto.

Jenexi 24:62

Mame Izake tooehse ona pona, tuna eutary pona. Moro pẽkamã esety “Isene Exikety Jenene tunary” kynexine. Moroto esary kynexine ikurenae Kanaã po.

Jenexi 31:34

Tupise eya repe. Yrome tykyryry onenepyra tokurehse ynororo. Ineponãmary tonẽse Rakeu a kameru kyryry aka, epona typorohse ynororo.

Exite 8:10

Tynymeropohpyry tymerose tuisa omiryme, tapuhse tuisa esety ke, tuisa emahtaõ ke. Mame moro pape tõ tarose kawaru po ytoketomo a, tuisa eky tõ po.

Exite 8:14

Tuisa omi poe kawaru tõ po, aomiry aronanõ toytose, axĩ tururume ytoketõ po, tuisa eky tõ po. Inyripohpyry tysekeremase roropa Susã po, tuisa konõto patary po, jarao emero netaryme.

Saumu 45:10

Tuisa pytyme exikety, jomiry etako: “Oekyry tõ poko owenikehko, omy tapyĩ taõkomo.

Juize 5:30

“Otarame mõkomo apiakãko mã toto, tynapoityã apiakãko: Otarame nohpo tõ roropa tapoise, toiro otarame asakoro soutatu tõ punero. Upo kurã roropa tapoise Xisera a tupõme. Kamisa kure exikety tapoise eya tuisa pyty a ekarotohme. Ipymyry pokona tyritohme.”

1 Samueu 25:42

Mame axĩ tõtyrise Apikaiu jumẽtu pona, typoetory tõ 5me nohpo tõ maro toytose ynororo Tawi nenyohtyã maro, mame ipytyme toehse ynororo.

1 Samueu 30:17

Yrokokoro ẽmepyryme Tawi tomo a totapase amarekita tomo ikohmamyry pona ro. Totapase toto eya xine emero exisasaka. Orutua kõ 400mãkõ nuasemãkõ rokẽ toepase toto kameru tõ po.