Jenexi 24:52 - Ritonõpo Omiry: A Bíblia Sagrada na língua Aparai do Brasil

⁵² Morara kary etaryke tyya, Aparão poetory toepuise Ritonõpo eahmatohme, “Kure mase” katohme.

Jenexi 24:52 ပူးပေါင်းရင်းမြစ်များ

Jenexi 24:26

Mame tosekumuru po typorohse ynororo Ritonõpo ẽpataka, Tosẽ toahmase eya.

Jenexi 24:48

Jesekumuru po yporohno Ritonõpo eahmatohme. “Kure mase, Ritonõpo jesẽ Aparão Esemy,” ykã eya. “Kuenehno topohme xiaro jekyry tomo a, ẽxiry enetohme, jesẽ mũkuru pytyme.”

Jenexi 24:51

Mose Repeka; aroko amaro. Ritonõpo poe, ah oesẽ mũkuru pytyme nexino. Ritonõpo omihpyry ae ro, tykase.

1 Koronika 29:20

Mame ynara tykase Tawi imoihmãkomo a: — “Kure mase, Ritonõpo,” kahtoko; eahmatoko, Kuesẽkomo! Mame tõseahmase imoihmãkomo Ritonõpo poko, tytamuru tõ Esẽ poko. Tupue toehse toto, tosekumuru po typorohse toto Ritonõpo eahmaryme, tuisa Tawi eahmaryme roropa.

2 Koronika 20:18

Mame tosekumuru po typorohse tuisa Josapa ẽmyty nono pokoxi; imaro Juta tõ emero Jerusarẽ põkõ maro tosekumuru po typorohse toto Ritonõpo Tosẽkõ ẽpataka, Ritonõpo eahmatohme.

Saumu 95:6

Ehmaropa, Ritonõpo seahmatatose kuesekumurukõ po; kuesekumurukõ po syporohtone ẽpataka Kyrihpõkõme aexiryke.

Mateu 2:11

Mame tapyi taka toytose toto. Moro tao enurusenã tonese eya xine tyse enao, Maria enao. Mame tosekumurukõ po typorohse toto Jezu ẽpataka, “Kure mase imehxo” katohme tyya xine eya. Mame typakarãkõ ae tynekarorykõ touse eya xine ekarotohme eya. Uuru te, ixtaratu te, imepỹ ixtaratu mira roropa, enara touse kehko eya xine tynekarorykõme eya.

1 Samueu 1:28

Morara exiryke seromaroro mose umũkuru ekarõko ase Kuesẽkomo a, jũme ipoetoryme aehtohme toorikyry ponãmero, tykase Ana Eri a. Mame Ritonõpo toahmase eya xine moroto.