Jenexi 24:48 - Ritonõpo Omiry: A Bíblia Sagrada na língua Aparai do Brasil

⁴⁸ Jesekumuru po yporohno Ritonõpo eahmatohme. “Kure mase, Ritonõpo jesẽ Aparão Esemy,” ykã eya. “Kuenehno topohme xiaro jekyry tomo a, ẽxiry enetohme, jesẽ mũkuru pytyme.”

Jenexi 24:48 ပူးပေါင်းရင်းမြစ်များ

Jenexi 22:23

Mokyro Petueu tõxike toehse Repekame. Mokaro kynexine Miuka poenomo Naoa maro, Aparão akorony.

Jenexi 24:52

Morara kary etaryke tyya, Aparão poetory toepuise Ritonõpo eahmatohme, “Kure mase” katohme.

Extara 8:21

Mame moroto tuna Aawa ehpio tyripose toto ya otuhpyra toto ehtohme toiro ẽmepyry ae, emero yna esekumuru po typorohse Ritonõpo ẽpataka yna oturutohme eya kure yna arotohme te, yna ewomatohme, yna poenõ ewomatohme roropa yna mõkomory maro porehme.

Saumu 107:7

Tarose toto eya osema zae exikety ae pata pona, moroto toto ehtohme.

Saumu 32:8

Ynara tykase Ritonõpo Jesemy ya: “Ãmorepãko ase oesemary ae zae oytotohme; ãkorehmãko ase oesemary menekary poko, zae ehtoh enepõko ase oya tuaro oehtohme.

Saumu 48:14

Mose Ritonõpo jũme Kuesẽkõme mana. Zae kuarotorỹko mana jũme rahkene.

Exutu 18:20

Zae roropa toto amorepary Ritonõpo omihpyry poko inyripohpyry omipona toto ehtohme.

Porowepio 4:11

Tuaro ehtoh poko ãmorepãko ase zae ehtoh poko oehtohme.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.