Jenexi 22:11 - Ritonõpo Omiry: A Bíblia Sagrada na língua Aparai do Brasil

¹¹ Yrome kapu ae tõmitase Ritonõpo nenyokyhpyry: — Aparão! Aparão! — Taro ase, tykase ynororo.

Jenexi 22:11 ပူးပေါင်းရင်းမြစ်များ

Jenexi 16:7

Yrome Ritonõpo nenyokyhpyry tõsenepose eya, ona po, tuna eutary pũto osema tao Sua po,

Jenexi 21:17

Mame poeto xitary totase Ritonõpo a. Kapu ae tõturuse Akara a Ritonõpo nenyokyhpyry, ynara tykase ynororo: — Oty poko torẽtyke mahno? Enaromyra exiko, poeto xitary totase Ritonõpo a.

Jenexi 21:18

Eropa! Poeto anỹko xikihme, emary apoiko, ipoenõ rĩko ase imoihme, tykase ynororo eya.

Jenexi 22:1

Morarame Aparão tukuhse Ritonõpo a. Esety ae tykohmase ynororo: — Aparão! tykase eya. — Taro ase, tykase ynororo.

Jenexi 22:10

Mame rato tapoise eya tuotohme.

Jenexi 22:12

— Omũkuru onuopyra exiko, onyryhmara exiko, tykase Ritonõpo nenyokyhpyry eya. — Zuaro ase seromaroro ypyno oexiry poko, jomipona oexiry waro ase, omũkuru ekarory se make ya jomi poe, omũkuru toirono.

Jenexi 22:16

Ynara tykase ynororo eya: — Omũkuru toirõ ekarory se ya oexiryke, jomiry omipona, ynara ãko ase oya: Ywy roro jomiry etapõko ase oya, jesety mã Ritonõpo Oesemy, kure rokẽ orĩko ase.

Jenexi 24:7

Ritonõpo, Kapu Esemy a tonehse ywy papa tapyĩ tae, wekyry tõ nonory poe. Tõmiry totapose ya: sero nono ekarõko ase apakomotyamo a, tykase ynororo ya. Tynenyokyhpyry aropõko mana oesemary enepotohme oya, naeroro ekurehpyra mase, nohpo epekahnõko mase umũkuru pytyme.

Jenexi 31:11

Mame tykohmase ywy Ritonõpo nenyokyhpyry a jesety ae. “Taro ase,” ase eya.

Jenexi 37:13

Mame ynara tykase Jako tumũkuru Joze a: — Osehko. Aaropory se ase Xikẽ pona. Moroto orui tõ kaneru tõ otuhmapõko, poti tõ maro. — Taro ase, tãtakimase, tykase Joze.

Jenexi 46:2

Morarame moro koko tao tõsenepose Ritonõpo eya, tõturuse ynororo eya, ynara tykase: — Jako, Jako! — Taro ase, tykase ynororo.

Jenexi 48:16

Kure rokẽ toto tyripoko onenyokyhpyry a, ypynanohtopõpyry samo, moro sã moxiã ewomako. Ypoko wenikehpyra tyripoko toto, tam Aparão poko te, papa Izake poko roropa wenikehpyra toto ehtohme. Tumũkue tuhke tyriko toto, typakõke roropa sero nono po,” tykase ynororo.

Exutu 3:2

Moroto tõsenepose Ritonõpo nenyokyhpyry Moeze a, apoto samo. Pika zatyry tonese Moeze a tororo ãko, yrome ezehpyra kynexine.

Exutu 3:4

Morarame enese toytose Moeze. Ameke pyra toehse ynororo ahtao taomirose Ritonõpo a pika wino. Ynara tykase ynororo: — Moeze! Moeze! — Taro ase, tykase Moeze.

Izaja 6:8

Moromeĩpo Kuesẽkõ omiry etase, ynara tykase ynororo: — Onoky aropõko ha urutõme? Onoky yna omiry arõko nae? Mame tozuhse ya, ynara ase: — Taro ase. Kuaropoko!

Atos 26:14

Nono pona toepukase yna porehme. Mame omi etase. Ynara nase ya juteu tõ omiry ae: “Sauru, Sauru, oty katohme yyryhmãko, ypoetory tõ ryhmãko mah? Sam kamexipõko mase ya ypoetory ryhmaryke oya. Eryhmãko mase pui samo tupupuru ryhmane samo, tamoreme suimã pona otuotuokety sã mase,” nase ya.

Atos 9:4

Nono pona toepukase ynororo. Omi totase roropa eya. Ynara tykase: — Sauru, Sauru, oty katohme yyryhmãko mah, ypoetory tõ ryhmãko? Sam kamexipõko mase ya, tykase.

Juize 2:1

Ritonõpo nenyokyhpyry toytose Kiukau poe Pokĩ pona Izyraeu tõ zuruse, ynara tykase ynororo: — Kuapoiatose Ejitu nonory po awahtao xine, kuenepyatose xiaro, sero nono pona, ynekarohpyry pona atamurukomo a. Ynara akene eya xine: “Jũme jomihpyry onytyoromara ase.

1 Samueu 3:10

Mame tykohmazomose ropa Samueu Ritonõpo a: — Aimo, Samueu, tykase. — Ỹ, oturuko. Oetãko ase, tykase ynororo Ritonõpo a.

1 Samueu 3:4

Mame tykohmase Ritonõpo a: — Samueu, Samueu, tykase. — Tãse, tykase, Samueu a tozuhse.