Jenexi 21:6 - Ritonõpo Omiry: A Bíblia Sagrada na língua Aparai do Brasil

⁶ Morarame ynara tykase Sara: — Ritonõpo nekarohpyry poko tãkye toehse ywy. Exianãko ase. Moro poko etaryhtao imehnomo a ymaro exianãko roropa mã toto.

Jenexi 21:6 ပူးပေါင်းရင်းမြစ်များ

Jenexi 17:17

Tosekumuru po typorohse Aparão tõmyty po nono pokoxi roropa eya Ritonõpo ẽpataka. Toexianapitose ynororo moro poko tõsenetuputyry ke: — Orutua emũkuasaromepyra 100me jeimamyry nae ahtao. Sara roropa emũkuasaromepyra mana 90me jeimamyry nae ahtao?

Saumu 113:9

Nohpo, emũkuapỹ ãkyemapõko mana imehxo tytapyĩ tao, tãkye mokyro ripõko mana, imũkuru tõ ekarõko eya mana. “Kure mase, Ritonõpo,” kahtoko!

Saumu 126:2

Exianãko sexiatose, eremiãko roropa tãkye kuexirykõke. Mame ynara tykase imehnõ nonory põkõ kypoko xine: “Kure rokẽ mokaro tyrise Ritonõpo a.”

Izaja 49:15

Ynara ãko Ritonõpo, toto ezuhnõko: “Poeto ẽ tumũkuru poko wenikehnõko nah? Tumũkuru nymyry pyno exikehsaromepyra mana. Morarame tumũkuru poko tuenikehse nohpo ahtao ro, jũme wenikehpyra exĩko ase opoko.

Izaja 49:21

Morarame ynara ãko mase oseya: ‘Onoky a tumũkuase moxiã emero ypoenõme? Ywy, nohpo toemũkuakehse aexihpyry, turumekase, tynomose, ãpuruhpyry tao tapuruse - onoky a moxiã tuãtanohpose ypoenõme? Toiroro exiase - otokoino toehse moxiã emero nah?’ ”

Izaja 54:1

Jerusarẽ, nohpo emũkuapitopỹ sã mexiase, yrome seromaroro oeremiako, okohtako ãtãkyemaryme, ynara ãko Ritonõpo exiryke: “Mose nohpo, inio nurumekahpyry tuhkehxo emũkuãko mana, tynioke exikety motye.”

Jeremia 20:15

Popyra mokyro tyripoko papa zuruhpono atãkyemapory se exikety moro omi ekaroryke eya: “Orutuame mana! Tumũkue mase!”

Ruka 1:14

Tãkye exĩko matose mokyro tonuruse ahtao. Imehnõ roropa tuhkãkõ tãkye exĩko mã toto.

Ruka 1:58

Epe tõ roropa tãkye toehse. — Aimo eny kure tyrise, takorehmase Ritonõpo a, tykase toto.

Romanos 12:15

Tãkye exiketõ maro awahtao xine atãkyematoko. Xitaketõ maro awahtao xine toto maro oxitatoko.

Epereu 11:11

Ritonõpo enetuputyryke Aparão a toemũkuase tamuhpõme tahtao ro. Ipyty roropa Sara kunumuxime toehse ahtao, kynemũkuane, zae Ritonõpo omihpyry ehtoh tonetupuhse eya exiryke.

1 Samueu 1:26

Ynara tykase Ana eya: — Wenikehpyra ro hma ypoko? Ywy roro ase, oturũko ke exiase taro Ritonõpo a, oneneryme.