Jenexi 21:16 - Ritonõpo Omiry: A Bíblia Sagrada na língua Aparai do Brasil

¹⁶ Myahme sã pitiko 100 meturume toytose nohpo porohse nono pona. Tõsenetupuhse ynororo “Umũkuru orikyry enery se pyra ase”. Toraximase sokohme moroto. Imũkuru tyxitase.

Jenexi 21:16 ပူးပေါင်းရင်းမြစ်များ

Jenexi 21:15

Mame tuna tonahse ahtao, tumũkuru tynomose eya wewe zopino.

Jenexi 27:38

Yrome otuhparo Ezau kynexine: — Toiro rokẽ kure tyripotoh nae hma? Kure kyripoko roropa, papa, tykase. Mame tyxitapitose ynororo opore samo.

Jenexi 29:11

Imeĩpo Rakeu typohse eya. Tyxitapitose ynororo tãkye toexiryke.

Jenexi 44:34

Ytosaromepyra ase tapyi taka mose anaropyra ropa jahtao. Papa enery se pyra ase, mose anaropyra ropa jahtao, tykase Juta.

1 Tuisa 17:12

Yrome ynara tykase ynororo Eria a: — Arypyra reh ynanahse wyi pyra ipunaka. Pitiko reh tiriiku nae ynanahse te, oriu roropa morararo pitiko. Naeroro apotopokõ poko akene wyi ritohme umũkuru napyryme ynapyryme roropa. Otarãme imeĩpo tonahse ahtao orihnõko rokẽ ynanase, tykase pytỹpo Eria a.

1 Tuisa 3:26

Mame poeto ẽ nymyry kui tykase tumũkuru pyno toexiryke. — Arypyra tuisa! Ajohpãme sã umũkuru onysahkara exiko. Ekaroko mose nohpo a, tykase. Yrome imarono ynara tykase: — Zae poeto sahkary oxisã yna ehtohme, tumũkue pyra, tykase repe.

Exite 8:6

Wekyry tõ enahkary oneanahtosaromepyra ase, wekyry tõ etapary poko roropa.

Izaja 49:15

Ynara ãko Ritonõpo, toto ezuhnõko: “Poeto ẽ tumũkuru poko wenikehnõko nah? Tumũkuru nymyry pyno exikehsaromepyra mana. Morarame tumũkuru poko tuenikehse nohpo ahtao ro, jũme wenikehpyra exĩko ase opoko.

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Amoxi 8:10

Õseahmatohkõ myakamãko ase aorihtyã tõ hnamotoh samo; xitãko matose, oeremiatohkõ myakamãko ase oxitatohkõ ke. Kamisa topuxiximã risẽ amurũko matose, oũsetykõ sahkãko roropa matose ihnamoryme. Jũkõ sã exĩko matose, tumũkuru toirõ hnamotoh samo. Emero itunetyme exĩko etyhpyryme.

Zakaria 12:10

— Mame moro ẽmepyry ae Juzenu ekarõko ase Tawi pakomotyamo a imehnõ Jerusarẽ põkomo a roropa, kure ehtoh poko toto ehtohme, oturutohme roropa ymaro. Mame jenẽko mã toto tynuohpyrykomo. Xitãko mã toto yhnamõko, ahno samo tumũkuru toirõ hnamory samo, tumũkuru apitoryme aenuruhpyry orihtoh hnamory samo.

Ruka 15:20

Morotoino toytose ropa ynororo tumy a ropa. — Mame amekeino tumũkuru tonese jũ a ahtao, nupunato tonese tumũkuru. Tururume toytose ynororo tumũkuru eahmase.

Juize 2:4

Moro poko tõturukehse Ritonõpo nenyokyhpyry ahtao, tyxitapitose Izyraeu tõ emero.

Ruti 1:9

Ãkorehmaporykõ se ase Ritonõpo a oniotatohkõme ropa, typoenõke oehtohkõme, tytapyike oehtohkõme roropa, enara. Mame typohse toto Noemi a tõsekazumaryme. Yrome tyxitapitose toto orẽpyra samo.

1 Samueu 24:16

Mame tõturukehse Tawi ahtao, ynara tykase Sauu: — Omoro nymyry mahno, umũkuru Tawi? Mame tyxitapitose ynororo.

1 Samueu 30:4

Moro eneryke tyya xine tyxitase toto opore, Tawi tomo, ipoetory tõ maro. Totaehse toh nexiase tyxitarykõke, tyjamihkehse roropa ynaroro.