Jenexi 20:5 - Ritonõpo Omiry: A Bíblia Sagrada na língua Aparai do Brasil

⁵ Mokyro ro, Aparão morara tykase: “Woryxiry mose ro, Sara,” tykase ynororo. Morara tykase roropa nohpo. Zae rokẽ se exiase. Imepỹ pyty apoiry se pyra akene ipunaka, tykase.

Jenexi 20:5 ပူးပေါင်းရင်းမြစ်များ

Jenexi 12:13

Morara exiryke “Ypiry mose ro” kaxiko eya xine jetapara toto ehtohme. Mame kure jyrĩko mã toto, tykase Aparã.

Jenexi 20:13

Mame papa tapyĩ tae taropose jahtao Ritonõpo a imehnõ nonory poro jytotohme, ynara ase Sara a: “Imehnõ nonory po kuahtao, woryxiryme osekaroko jewomatohme,” ase eya.

Jenexi 20:16

Mame ynara tykase Apimereke Sara a: — Parata ekarõko ase opiry a, 11me kiru zokonaka zuaro imehnõ amaro xine exiketõ ehtohme zae oehtoh poko. Ynara zuaro exĩko mã toto azahkuru pyra mexiase ipunaka.

1 Tuisa 9:4

Zae rokẽ jomiry omipona awahtao, ajohpe pyra awahtao, omy Tawi jomihpyry omipona ehtopõpyry saaro te, emero ynyripohpyry riryhtao oya,

2 Tuisa 20:3

— Ritonõpo, yna Esemy, wenikehpyra exiko opoetoryme jehtoh poko. Õmihpyry omipona ase yronymyryme. Onyripohpyry ya tymoise ya ipunaka kokoro rokene. Mame tyxitase tãtasamaryke yronymyryme.

1 Koronika 29:17

Imehnõ osenetupuhtoh waro mase, ikurohtao xine enẽko mase, tãkye mase zae exiketõ eneryke oya. Ajohpe pyra ase, zae rokẽ ynara ãko ase, senohne ekarõko ase oya, emero, ekarory se jexiryke, tãkye ase roropa moxiamo opoetory tõ oximõmãkõ eneryke ya tynekarorykõ enepyryhtao oya.

Jo 33:9

‘Iirypyryme pyra ase, popyra ehtoh poko pyra jexiryke ipunaka. Zae rokẽ ase; azahkuru pyra ipunaka

Saumu 24:4

Zae exiketõ rokẽ omõnõko mã toto, zae roropa aosenetupuhtoh exiketomo, imepỹ neponãmary oneahmara exiketõ Ritonõpo myakãme. Tõmiry anamonohpyra roropa exiketomo.

Saumu 25:21

Emese kure oehtoh enetuputyryke ya kuewomako ajohpe pyra jexiryke, zae ehtoh se jexiryke.

Saumu 26:6

Ritonõpo, osemahnõko ase zae jehtoh waro imehnõ ehtohme. Okyryry apoto apõ zomye ytoytõko ase imehnõ oeahmananõ maro,

Saumu 7:8

Ritonõpo yna Esemy, yna apiakaneme mase, ahno apiakane emero. Kuapiakako zae exiketyme, Ritonõpo, zae ehtoh poko rokẽ jexiryke, ajohpe pyra jexiryke.

Saumu 7:9

Ajohpãme sã popyra exiketõ nyrihpyry xihpyry enahkapoko, kurã ke zae ehtoh poko exiketõ epehmako. Zae Ritonõpome oexiryke ipunaka, yna osenetupuhtoh apiakãko mase, yna penetatoh roropa.

Saumu 73:13

Otarame toiparo rokẽ zae ehtoh poko exiase, yyrypyry poko pyra roropa exiase.

Saumu 78:72

Tomeseke sã Izyraeu tõ pyno Tawi kynexine, zae rokẽ exiketyme, tuaro roropa kynexine toto tuisaryme toehtoh poko.

Porowepio 11:3

Zae ehtoh poko exiketõ ajohpe pyra mã toto. Ajohpe exiketõ osenahkãko mã toto ajoajohpe toexirykõke.

Porowepio 20:7

Tãkye mã poetohti tumykõ ajohpe pyra exiketyme ahtao, zae ehtoh poko exiketyme roropa ahtao.

Tanieu 6:22

Ritonõpo Jesemy a tynenyokyhpyry tonehpose reão tõ mytary apurutohme jesekara toto ehtohme. Morara tyrise eya zae jehtoh waro toexiryke, imehnõ onyryhmara jexiryke roropa, tykase Tanieu tuisa a.

2 Korĩtiu 1:12

Tãkye ynanase zuaro yna exiryke zae yna ehtoh poko sero nono po. Amaro xine zae kuhse yna ehtopõpyry poko tãkye ynanase roropa. Topohme yna otururu nexiase amaro xine, zae se yna exiryke amaro xine. Ritonõpo jamitunuru poe morara ynanexiase, kypyno xine Ritonõpo exiryke, yna tuarõnory ke pyra.

1 Tesaronika 2:10

Yna poko imehnõ tuarõtanohnanõme matose. Ritonõpo roropa imehnõ tuarõtanohneme yna poko mana. Kure rokẽ amaro xine ynanexiase, iirypyryme pyra. Onekunohto pyra ynanexiase amaro xine, Jezu poetory tõ maro.

1 Timoteu 1:13

Osemazuhme Jezu kerekeremahpõ ase, ipoetory eunopyhpono, toto ryhmahpono. Yrome juãnohpyra Ritonõpo kynexine onenetupuhpyra jexiryke. Morara jexiryke ynyrihpyry waro pyra exine.

Jozue 22:22

— Ritonõpo Imehxo mana! Emero rihpõme mana! Jamihmehxo mana! Emero Esẽme mana. Tuaro mã ynororo oty katoh moro tyrise yna a. Amarokõ roropa tuaro ehtoko. Moro ynanyrihpyry Ritonõpo rumekatohme tyrise yna a ahtao, ah ynanorihxi.