Jenexi 20:16 - Ritonõpo Omiry: A Bíblia Sagrada na língua Aparai do Brasil

¹⁶ Mame ynara tykase Apimereke Sara a: — Parata ekarõko ase opiry a, 11me kiru zokonaka zuaro imehnõ amaro xine exiketõ ehtohme zae oehtoh poko. Ynara zuaro exĩko mã toto azahkuru pyra mexiase ipunaka.

Jenexi 20:16 ပူးပေါင်းရင်းမြစ်များ

Jenexi 20:17

Morara toehse Sara exiryke, Aparão pyty, tyrohsẽ tonehpose Ritonõpo a Apimereke tapyĩ taõkõ pona. Nohpo tõ emero emũkuasaromepyra tyripose toto Ritonõpo a. Mame Aparão tõturuse Ritonõpo a Apimereke tõ poko, tukurãkase ropa toto Ritonõpo a, Apimereke te, ipyty te, ipoetory tõ maro emero, toto emũkuatohme ropa.

Jenexi 20:5

Mokyro ro, Aparão morara tykase: “Woryxiry mose ro, Sara,” tykase ynororo. Morara tykase roropa nohpo. Zae rokẽ se exiase. Imepỹ pyty apoiry se pyra akene ipunaka, tykase.

Jenexi 24:65

Tõturupose ynororo Aparão poetory a: — Onoky mokyro orutua ytoytokety ona po, xiaro oehnõko? — Jesẽ mũkuru mokyro, tykase ynororo. Mame kamisa tapoise eya tõmyty apurutohme.

Jenexi 26:11

Morarame tõmiry taropose Apimereke a tuaro emero toto ehtohme. Ynara tykase ynororo: — Popyra mose orutua riryhtao oya xine te, ipyty riryhtao popyra roropa, awãnohtorỹko ase oorihtohkõ ke, tykase Apimereke.

Porowepio 12:1

Tuaro sehxo exikety tukurãkary se ropa mana imehnomo a, azahkuru toehse ahtao zae ehtohme; putupyra exikety rokẽ tukurãkary se pyra mana imehnomo a.

Porowepio 25:12

Otato ahno ahtao tuaro se toexiryke, tuaro exikety namorepary kure kuhse mana, omahtao uuru risẽ motye te, õkyry uuru kurã risẽ motye roropa mana.

Porowepio 27:5

Kurehxo imepỹ zupokary jarao samo zae pyra ynororo ahtao, kure hkopyra mana ipyno sã awahtao yrome oturupyra imaro zae ehtoh poko.

Jona 1:6

Mame tyhtose wapu tuisary ahtao Jona tonese eya, ynara tykase: — Oty katoh nyhnõko rokẽ mah? Owõko ty! Oturuko oneponãmary a, kypynanohtohkõme eya. Otarame kypyno xine ynororo ahtao kuorihmapopyra xine mana, tykase ynororo Jona a.

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.