Jenexi 2:12 - Ritonõpo Omiry: A Bíblia Sagrada na língua Aparai do Brasil

¹² Moro uuru kure kynexine. Moroto ixtaratu kurã roropa kynexine, topu kurã roropa moroto kynexine joiame exikety.

Jenexi 2:12 ပူးပေါင်းရင်းမြစ်များ

Jenexi 2:11

Toiro tuna esety kynexine Pisõ, Hawira nonory zomye ytokety. Moroto uuru nae kynexine.

Jenexi 2:13

Mame imepỹ tuna esety kynexine Kiõme. Moro rãnakuroko kynexine Kuxe nonory po.

Jo 28:16

Uuru kurã motye mana, topu kurã motye roropa typyne tuaro ehtoh mana, akata te, sapira tomo, enara.

Exutu 25:7

topu tõ kurano, onixi te, imehnõ typyne exiketõ tyritohme Ritonõpo maro oturukety zupõ pokona.

Exutu 28:20

atakenaka 4mano ao periro, onixi, jasape, enara. Morohne tyriko uuru pokona.

Exutu 39:13

Atakenaka exikety 4mano ao periro te, onixi te, jasape, enara. Morohne tyrise uuru pokona.

Ezekieu 28:13

Moroto mexiase Etẽ po, Ritonõpo narykahpyry po; joia tõ ke tamuruse mexiase, rupi tomo te, tiamãte roropa, topazio, periro, onixi te, jasape, sapira te, ezemerauta, karanata, enara. Joia tomo uuru risẽ nae roropa mexiase, tyrise okyryryme ehtohme moro oritopõpyry po.

Numeru 11:7

(Manã ipuhturu pitiko sã nexiase karimutume, sewemehme sã pitiko.