Jenexi 19:2 - Ritonõpo Omiry: A Bíblia Sagrada na língua Aparai do Brasil

² Ynara tykase ynororo eya xine: — Moehtou? Taro ase ãkorehmatohkõme. Ajohpãme sã ehmaropa ytapyĩ taka. Moroto opupurukõ kurikãko matose oytotohkõme ropa. — Arypyra, tykase toto, jarãnao, pata rãnao ẽmehnõko ynanase, tykase toto eya.

Jenexi 19:2 ပူးပေါင်းရင်းမြစ်များ

Jenexi 18:4

Tuna enehpõko ase opupurukõ kurikatohme. Moromeĩpo oseremãko matose taro wewe zopino.

Jenexi 19:1

Morarame kohmãnõko kynexine, mokaro Ritonõpo nenyohtyã asakoro toeporehkase ahtao Sotoma pona. Typorohse Ro kynexine pata omõtoh pũto. Mame mokaro Ritonõpo nenyohtyã tonese tyya ahtao towõse ynororo toto omikase. Tosekumuru po typorohse ynororo toto ẽpataka.

Jenexi 19:3

Yrome otuhparo Ro exiryke tymoise eya xine. Imaro toytose toto Ro tapyĩ taka. Mame otuhtoh tyripose Ro a wyi ekeisenã maro. Tõtuhse toto.

Jenexi 24:31

Ynara tykase Rapão eya: — Osehko, ymaro eropa! Kure rokẽ tyrise mase Ritonõpo a. Oty katohme taro rokẽ mah jarao? Oesary nae tapyi tao, osa nae roropa oeky tõ esaryme, tykase ynororo eya.

Jenexi 43:24

Tapyi taka tarose toto eya. Tuna tokarose eya xine ipupurukõ kurikatohme. Tonahsẽ tokarose eya jumẽtu tomo a.

2 Samueu 11:8

Mame ynara tykase Tawi eya: — Atapyĩ taka ytoko oseremase pixo, tykase Tawi eya. Mame tutũtase ynororo, itapyĩ taka tynekaroryme otyro taropose tuisa a repe.

Jo 31:32

Imepỹ nono poe aepyhpyã jarao onynomopyra exiase osema tao ẽmehtohme, osa ekaroase eya xine nyhtohme ytapyĩ tao.

Porowepio 25:17

Onymotyẽkara exiko oytory poko apãnary tapyĩ taka. Tahxime itapyĩ taka oytoryhtao otarame penekehnõko mã ynororo opoko, mame ozehno exĩko mã ynororo.

Kãtiku 5:3

Yrome tupoke pyra ase, touse ya. Upo amururu se ropa hma ya? Upupuru tõ roropa tukurikase ya. Oty katohme ixikuromãko ropa ywy?

Ruka 7:44

Morarame nohpo a toeramase Jezu. Ynara tykase ynororo Ximão a: — Mose nohpo enẽko mase. Atapyĩ taka oehno. Yrome jepuhkurikatoh onekaropyra makẽ ya. Mose nohpo rokẽ upupuru kurikano tyxity ke. Tũsety ke upupuru tykorokase roropa eya.

João 13:5

Mame eya tuna tarykase ahtao paxiha aka, typoetory tõ pupuru tukurikase eya. Tuaja ke tykorokase ropa eya.

Atos 16:15

Morarame tõpurihkase ahtao tyekyry tõ maro yna eahmase tytapyĩ taka yna ytotohme. Ynara tykase ynororo yna a: — Ritonõpo omipona ajohpe pyra jenetuputyryhtao oya xine ytotoko ytapyĩ taka, kynako yna a, taro oehtohkõme. Morara karyke ynanytone itapyĩ taka.

Epereu 13:2

Kure rokẽ katonõ tyritoko atapyĩkõ tao toto ahtao. Wenikehpyra ehtoko, toitoine imehnomo a Ritonõpo nenyohtyã toahmase tytapyĩkõ taka, tuaro pyra tahtao xine.