Jenexi 18:32 - Ritonõpo Omiry: A Bíblia Sagrada na língua Aparai do Brasil

³² Etyhpyryme ynara tykase Aparão: — Ajohpãme sã yzehno pyra exiko ynara ekaroporyhtao etyhpyryme rahkene. Otarame 10me rokẽ kurãkõ enẽko mase moroto, tykase. — Mokaro 10mãkõ pokoino moro pata põkõ onenahkara ase, tykase Ritonõpo.

Jenexi 18:32 ပူးပေါင်းရင်းမြစ်များ

Jenexi 18:30

Mame ynara tykase Aparão: — Yzehno pyra exiko, Ritonõpo, ajohpãme samo ynara karyhtao, 30me kurãkõ nae ahtao, otara exĩko? toto enahkapõko mah? Ynara tykase Ritonõpo eya: — 30me nae ahtao pata põkõ pynanohnõko ase. Iirypyrykõ korokãko ase, tykase.

Jenexi 18:31

Ynara tykase Aparão: — Ehxirõko ase, yrome zae pyra jahtao yyrypyry ikorokako: 20me rokẽ kurãkõ ahtao otara ãko mah moro põkõ enahkãko ro mahno? — Mokaro 20mãkõ pyno jexiryke pata põkõ onenahkara ase, tykase Ritonõpo.

Jenexi 44:18

Mame eponaro toytose Juta, Joze maro oturuse: — Tuisa, ajohpãme sã oturuxi amaro. Yzehno pyra exiko. Sero nonory esẽme mase.

Jo 33:23

“Otarame ipynanohnõko Ritonõpo nenyokyhpyry mana. Tuhke miumãkõ nae inenyohtyamo. Ahno amorepãko mã toto zae ehtoh riry poko.

Saumu 86:5

Ritonõpo, kure mase, yna rypyry korokãko mase, yna pyno mase, emero oturuketõ oya pyno mase.

Exutu 32:14

Naeroro, “Teh,” tykase rokẽ Ritonõpo. Izyraeu tõ onenahkapopyra tokurehse ynororo.

Porowepio 15:8

Ritonõpo zamaro mana zae ehtoh poko exiketõ otururuhtao eya, yrome popyra exiketõ nekarotyã eya ise pyra mana ipunaka.

Izaja 65:8

Ynara ãko Ritonõpo mana: “Toitoine uwa kurã eneryhtao ahno a popyra exiketõ maro: ‘Onypahpyra sehne, kure ehtoh nae ro mana, euhkãko sytase, eukuru ritohme,’ ãko mana. Moro sã ypoetory tõ pyno jexiryke, emero onenahkapopyra exĩko ase.

Jeremia 5:1

Jerusarẽ põkomo, ytotoko osema tõ ae! Osenuhmatoko õmye xine! Zupitatoko, osepekahtoh tao! Zae ehtoh poko exikety toiro enẽko matou? Ritonõpo omipona se, amonohkara exikety? Toiro mokyro eneryhtao oya xine, Jerusarẽ rypyry korokãko Ritonõpo mana.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Mateu 7:7

— Oturukehpyra ehtoko Ritonõpo a. Ekaropotoko eya. Mame onekaropohpyrykõ ekarõko mã oya xine. Axĩ pyra onekaropohpyrykõ ekaroryhtao penekehpyra ehtoko. Otyro zupine sã oturukehpyra ehtoko. Moromeĩpo kurãkõ ekarõko Ritonõpo mã oya xine. Etapuruhmakapone sã ehtoko. Moromeĩpo etapuruhmakãko mana.

Epezu 3:20

Mame tyjamitunuru ke kynekaropohpyrykõ motye tyriry waro Ritonõpo mana. Kynenetuputyhpyrykõ motye tyriry waro roropa mana, kukurohtaka xine.

Juize 6:39

Mame tõturupose ropa ynororo Ritonõpo a: — Yzehno pyra exiko. Toiro ekaropoxi oya. Ajohpame sã zuaro nymyry jehtohme ihpoty poko. Seromaroro ihpoty tonore tyriko nono porehme tahxikure ahtao konopo ke.